Jọsua 8:19 - Edo Bible (E Baibol Ẹdo) Version 1996

¹⁹ Ọwarọkpa vbe ọ ghi tọn obọ ẹre mu, emwa ni lẹre usin keghi zẹgiẹgiẹ gua kpao, iran na rhulẹ la ẹvbo nii, iran na zẹgiẹgiẹ mu erhẹn yọọ.

Jọsua 8:19 ပူးပေါင်းရင်းမြစ်များ

Jọsua 8:18

Ẹre Nọyaẹnmwa na tama Jọsua wẹẹ, “Niẹn asoro ruẹ da Eai, I ra muẹn nuẹn.” E Jọsua keghi ru vbene a tama rẹn.

Jọsua 8:2

Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”

Jọsua 8:20

Ivbi Eai ghi gbearoghe iyeke, iran keghi miẹn vbe ighogho ẹre wa sẹ iso. Iran ma ghi miẹn ehe lẹ lao rhunmwuda, ivbi Izrẹl ni lẹghe uwu oha keghi werriegbe rre viọ aro da iran.

Giọgis 20:33

Ẹre iran ni bun sẹ vbe ivbi iyokuo Izrẹl na lẹ ladian, iran na ya dọlegbe mwamwa egbe vbe Baaltama, sokpan iran ni lẹga ẹvbo nii keghi wa sannọ ladian vbe udomwurri vbe ehe ne iran lẹre yi vbe ẹvbo oke ni lẹga ẹvbo nii.

Giọgis 20:37

Iran na keghi zẹgiẹgiẹ rhulẹ ghe odẹ Gibea; iran na wa obọ gba ehe hia, iran na gbele emwa hia ni rre ẹvbo nii.