Jọsua 8:17 - Edo Bible (E Baibol Ẹdo) Version 1996

¹⁷ Ikpia ni rre Eai hia keghi wa khu ivbi Izrẹl. Iran keghi wa yan urho ẹvbo nii fua vbene ọmwa rhọkpa i ghi na rrọọ ne ọ gha sinmwi oseghe ẹre.

Jọsua 8:17 ပူးပေါင်းရင်းမြစ်များ

Diuteronomi 2:30

“Sokpan e Sihọn ne ọba ma kue ne ima la ẹvbo ẹre gberra. E Nọyaẹnmwa ne Osanobua uwa keghi ya ẹe ze vbe udu, ọ kevbe sọtẹ, ne ima miẹn ehe na khọn miẹn ẹre otọe ne ima mu otọ ẹre ne ima ye ye na.

Jọsua 11:20

E Nọyaẹnmwa keghi gie iran wa kha wẹ te iran gha gu ivbi Izrẹl gbinna, ne a miẹn ehe na tie iran emwa ne a gha fuan fẹẹrẹ, ne a vbe gbele iran an vbe ne a i na mwẹ itohan. Emwi ne Nọyaẹnmwa tama Mosis ọre onii khin.

Jọsua 8:16

A keghi wa tie ikpia ni rre ẹvbo nii hia ladian ne iran khu iran, vbene iran ya khu e Jọsua khian nii, erriọ iran ya gha rrei ne ẹvbo iran.

Jọsua 8:18

Ẹre Nọyaẹnmwa na tama Jọsua wẹẹ, “Niẹn asoro ruẹ da Eai, I ra muẹn nuẹn.” E Jọsua keghi ru vbene a tama rẹn.

Jọsua 8:3

Ẹre Jọsua na mu egbe ne ọ viọ ivbiyokuo ẹre hia gha rrie Eai. Ọ keghi hannọ ikpia ni din arriaisẹn ọgban (30,000) ọ na ye asọn gie iran gha khian.

Giọgis 20:31

Ivbi e Bẹnjamin keghi ladian ne iran do gbinna, iran na gie iran ladian hin adesẹ ore ẹvbo ni rre, iran keghi suẹn gha gbele emwa eso vbe odẹ Bẹtẹl, odẹ ne a la ye Gibea kevbe avbe uwu oha. Iran keghi gbele omwa ivbi Izrẹl ọgban.