Jọsua 8:14 - Edo Bible (E Baibol Ẹdo) Version 1996

¹⁴ Ọba Eai ghi bẹghe ibiẹka e Jọsua ọ keghi wa zẹgiẹgiẹ guakpaọ. Ke irẹn kevbe emwa rẹn keghi wa ladian gha rrie odẹ Iya Jọdan ne iran ya gu Izrẹl gbinna vbe ihe ọkpa ne iran na ka vbe ru vberriọ. Rẹn ma rẹn ighẹ iyeke ọ re a ra ke gu ẹe khọn.

Jọsua 8:14 ပူးပေါင်းရင်းမြစ်များ

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Aizaia 19:11

Akpa ọ re iran khin ighe avbe ọkaolotu ẹvbo e Zoan. Ude ọzuọ ọ re emwa ni ghi wan sẹ vbe Igipt bu ọmwa re! Vbe ohan na gie iran tama ọba hẹ yi wẹ iran ọrọre emwa ni mudia ye ihe avbe umẹwaẹn kevbe avbe ọba nẹdẹ.

Aizaia 19:13

Ọzuọ ọ re avbe ọkaolotu ni rre Zoan kevbe Mẹmfis khin. Te a te wẹ ne iran su ẹvbo nii sokpan iran de ẹre odẹ.

Daniẹl 4:31

Ọ ma he guan avbe ẹmwẹ na fo vbe unu, vbe urhu ọkpa ke ẹrinmwi rre wẹẹ, “E Nebukiadneza ne ọba, danmwehọ mwẹ! A miẹn ruẹn ẹtin ọba ne u te mwẹ.

Matiu 24:39

Iran ma rẹn enaye uromwẹ amẹ te do kpolo ehia gha rrie. Erriọ ọ gha ye vbe Ovbi Ọmwa a rre.

Matiu 24:50

Sokpan arowa ẹre gha rre vbe ẹdẹ ne ọ ma ro ọ ma kọọ.

Diuteronomi 1:1

Ẹmwẹ ni rre ebe na keghi re avbe ẹmwẹ ne Mosis gu ivbi Izrẹl guan ẹkpo ne iran na gha rre otọ ẹgbo vbe odẹ ahọ ọghe Ẹzẹ Jọdan. Iran kegha rre Iya ọghe Jọdan vbe ọkpẹn Suf, ẹvbo ne a tie ẹre Paran kegha rre iran obọ ọkpa, avbe ẹvbo ne a tie ẹre Tofẹl, Leban, Hazẹrot kevbe Dizahab kegha rre iran obọ nọkpa.

Jọsua 8:13

Erriọ iran ya ghae ivbiyokuo ye okuo, agọ ne ọ wa rrọ kegha rre odẹ okuọ ẹvbo nii, ni dekẹe kegha rre ọlarrie owẹn. E Jọsua keghi gbe asọn nii hia vbe uwu iya.

Jọsua 8:15

E Jọsua kevbe emwa rẹn keghi ba lẹ, iran na mu uhunmwu da uwu oha.

Jọsua 8:16

A keghi wa tie ikpia ni rre ẹvbo nii hia ladian ne iran khu iran, vbene iran ya khu e Jọsua khian nii, erriọ iran ya gha rrei ne ẹvbo iran.

Jọsua 8:5

Ke imẹ kevbe emwa mwẹ gha vbe gha die nene ẹvbo nii, iran ghẹ ghi ladian ne iran do gu ima gbinna, ma ghi lẹ, zẹ vbene a ka ru vbe ẹghẹ okaro.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Giọgis 20:37

Iran na keghi zẹgiẹgiẹ rhulẹ ghe odẹ Gibea; iran na wa obọ gba ehe hia, iran na gbele emwa hia ni rre ẹvbo nii.