Jọsua 8:12 - Edo Bible (E Baibol Ẹdo) Version 1996

¹² Ọ keghi viọ ọmwa arhin arriaisẹn isẹn (5,000) ọ na viọ iran lẹre ye ọlarrie owẹn ọghe ẹvbo nii, vbe ẹkpo Eai kevbe Bẹtẹl.

Jọsua 8:12 ပူးပေါင်းရင်းမြစ်များ

Gẹnẹsis 12:8

Vbe iyeke ọnii, ọ keghi la ghe odẹ ekẹn ọghe oke ne ọ rre odẹ ahọ ọghe Bẹtẹl, ọ na bu agọ ye ẹkpo Bẹtẹl vbe orrie kevbe Ai vbe ahọ. Ọ kevbe bọ aka ye evba, ọ na ya uhunmwu rhanmwẹ otọ ne Nọyaẹnmwa.

Gẹnẹsis 28:19

Ọ kegha tie evba nii Bẹtẹl (Luz ọre a te ka gha tie ẹvbo nii).

Jọsua 8:11

Ke iran kevbe ivbiyokuo ke wa gha rrie odẹ ne onurho nọkhua ne a la la ẹvbo nii ye. Iran keghi bu agọ ye odẹ okuọ vbọ vbene iya na gha rre ẹkpo iran kevbe Eai.

Jọsua 8:13

Erriọ iran ya ghae ivbiyokuo ye okuo, agọ ne ọ wa rrọ kegha rre odẹ okuọ ẹvbo nii, ni dekẹe kegha rre ọlarrie owẹn. E Jọsua keghi gbe asọn nii hia vbe uwu iya.

Giọgis 1:22

Emwa ẹwae Ifreim kevbe Manasẹ keghi mu okuo gha rrie Bẹtẹl ne a te tie ẹre Luz. E Nọyaẹnmwa keghi yi iran obọ. Iran keghi gie avbe ọrhẹ gha rrie ẹvbo nii.

I Samuẹl 15:5

Ẹre irẹn vbe emwa rẹn na gha rrie Amalẹk, iran na ya rhuẹ khẹ iran vbe uwu iya ẹzẹ ne ọ kae.