Jọsua 8:10 - Edo Bible (E Baibol Ẹdo) Version 1996

¹⁰ E Jọsua keghi gua kpao vbe owiẹ vbirrivbirri, ọ na tie avbe ivbiyokuo sikoko. Rẹn vbe avbe ọkaolotu Izrẹl ke ghi viọ iran gha rrie Eai.

Jọsua 8:10 ပူးပေါင်းရင်းမြစ်များ

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Jọsua 6:12

Vbe ikpẹdẹ ne ọ lelẹe, e Jọsua keghi kpaegbe vbe owiẹ vbirrivbirri, avbe ohẹn kevbe tọn Ẹkpẹti Ile mu. Avbe ohẹn ni ihinrọn ni viọ orhu mwẹ keghi ke odaro, iran na gha si avbe orhu nii khian. Avbe ivbiyokuo ke odaro ne iran, vbene avbe abodẹ na ke odieke. Orhu ni kegha tu yan egbe khian.

Jọsua 7:16

E Jọsua keghi kpaegbe vbe owiẹ vbirrivbirri, ọ keghi viọ Izrẹl ladian ẹwae ẹwae. Ọ keghi mu ẹwae ọghe Juda.

Jọsua 8:11

Ke iran kevbe ivbiyokuo ke wa gha rrie odẹ ne onurho nọkhua ne a la la ẹvbo nii ye. Iran keghi bu agọ ye odẹ okuọ vbọ vbene iya na gha rre ẹkpo iran kevbe Eai.

Jọsua 8:9

Ẹre Jọsua na gie iran gha khian, iran na gha rrie ehe ne iran lẹre yi vbe ọlarrie owẹn Eai vbe ẹkpo Eai kevbe Bẹtẹl. E Jọsua keghi gbe asọn nii vbe agọ.