Jọsua 7:26 - Edo Bible (E Baibol Ẹdo) Version 1996

²⁶ Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.

Jọsua 7:26 ပူးပေါင်းရင်းမြစ်များ

II Samuẹl 18:17

Iran keghi mu ikun Absalọm, iran na mu ẹẹn fi uwu uvun ne ọ dinmwi vbe uwu ẹgbo, iran na silo okuta ọrhẹnrhẹn ranrẹn. Ivbi Izrẹl hia keghi lẹ kua, dọmwadẹ ọghọe ghe owa ẹre.

II Samuẹl 21:14

Ẹre iran na viọ ugboloko e Sọl kevbe Jonatan ya re ẹre ye idin e Kis ne erha e Sọl vbe Zẹla vbe otọ emwa e Bẹnjamin, a keghi wa ru avbe emwi hia ne ọba rhirhi wẹ ne a ru vbe iyeke ọnii, Osanobua keghi họn erhunmwu ne ẹvbo nii na ghe ẹre.

II Krọnikol 29:10

“Te imẹ ghi tae nian wẹ I ra gu e Nọyaẹnmwa ne Osanobua Izrẹl ta ile ne ọ ghe ghi mu ohu ghe ima ọvbehe.

Ẹzra 10:14

Gie iran ni rre asẹ vbe uwu ima mudia vbe Jerusalẹm ne iran guan ye ẹmwẹ na. A ghi rhie ẹghẹ yọ ne iran ni mwẹ ikhuo orhunmwuyẹn ya lele avbe ọkaolotu kevbe ni bu ohiẹn vbe ẹvbo nii gha dee. A gha ruẹe vberriọ, a gha sẹtin miẹn wẹ ohu ne Osanobua mu ye ẹmwẹ na gha dobọyi.”

Psalm 85:4

Viọ ima werriegbe rre Nọyaẹnmwa ọmiọnmwafan mwa ne u vbe dobọ ẹko nọ rhiae ruẹ ghe mwa yi.

Ẹksọdọs 32:12

Vbọzẹ ne a gha na gie ivbi Igipt gha kha wẹ te ọ viọ iran ke otọe Igipt ladian, vbene ọ na zẹ iro dan wẹ ne irẹn gbele iran ye uhunmwu oke, kevbe ne ọ wa fuẹn iran an fẹẹrẹ? Mu ohu nọ wegbe ne ọ muẹn fua, fi ekhọe werriẹ ne u ghẹ gie ẹbe na sunu vbe egbe emwa ruẹn.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Eve Orriara 3:53

Iran fi mwẹ fi ẹmwẹ ne unu fi uwu uvun iran keghi mu okuta khiọ unu ẹnrẹn.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Joẹl 2:18

E Nọyaẹnmwa mu ẹmwẹ otọe ẹre ro, ọ tohan emwa irẹn.

Jona 1:15

Iran keghi tọn e Jona mu, iran na fi ẹe fi ẹzẹ, ọ keghi wa hunmwan hii vbe ọwarọkpa ni.

Zẹkaraia 6:8

Ẹre odibosa nii na ni urhu tama mwẹ wẹẹ, “Avbe ẹsin ni mu uhunmwu da odẹ okuọ gha rrie Babilọn, ya ohu e Nọyaẹnmwa dọyọ nẹ.”

Nọmbas 25:8

ọ na lele okpia nii vbe okhuo nii la uwu owa ukpọn, ọ na ye asoro nii ha iran eva fua. Erriọ ọre a ghi ya dobọ egboghogbogho ne ọ te gha fuẹn ivbi Izrẹl rrie yi.

Diuteronomi 13:17

Emwi ne a ghi wẹ ne a fuan nẹ wa ghẹ rhie ẹre hin rre ne uwa lo ẹre ne egbe uwa, ẹghẹ nii e Nọyaẹnmwa gha fiwerriẹ vbe uwu ohu nọ wegbe ne ọ te mu, ọ ghi tohan uwa. Ọ gha tohan uwa, ya uwa khian emwa ni bun zẹ vbe ne ọ yan ma avbe erha uwa odede.

Diuteronomi 13:18

A deghẹ wa ya uhi ẹre ne I rhie ne uwa ẹrẹna gha ru emwi, wa na vbe gha ru vbene irẹn ho.

Jọsua 10:27

Owẹn ghi defua nẹ, e Jọsua na gie uhunmwu, a na ya hẹ iran tuorre, a na ya filo iran ku uwu uvun okuta ne iran te lẹre yi. A na viọ okuta nekhua ye unu uvun okuta nii, te iran ye rre evba.

Jọsua 7:24

E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Jọsua 8:29

Ọ keghi si ọba Eai rrọọ ye erhan, ọ na sẹ ọe rae ye erhan ya sẹ ota. Owẹn ghi defua, nẹ, e Jọsua keghi gie emwa, iran na ya mu ikun ẹnrẹn tuorre, iran keghi fiẹe fi otọ vbe onurho ne a la la ẹvbo ni. Iran keghi silo okuta ọrhẹnrhẹn gbo yan rẹn, te ọ ye rre evba do sẹ ẹdẹ nẹrẹ na.