Jọsua 7:25 - Edo Bible (E Baibol Ẹdo) Version 1996

²⁵ Ẹre Jọsua na kha wẹẹ, “Vbọzẹ ne u na hẹ orueghe na gie ima! E Nọyaẹnmwa gha mu orueghe yan ruẹn nian!” Emwa nii hia keghi filo okuta gbe Ekani uan, iran keghi giẹn ẹgbẹe ọre kevbe emwi hia ne ọ mwẹ, iran kevbe filo okuta gbe iran.

Jọsua 7:25 ပူးပေါင်းရင်းမြစ်များ

Gẹnẹsis 34:30

E Jekọb keghi khama Simiọn vbe Livai wẹẹ, “Wa si mwẹ fi uwu ẹmwẹ nẹ, banbanna nian, emwa ẹvbo na hia, emwa Kenan, Pẹriz, iran hia khọ ẹko mwẹ. Ikpia ne I mwẹ i bun; iran gha ku obọ gbe mu igbinna gunmwẹ, ke imẹ kevbe ẹgbẹe mwẹ hia, te iran ra miẹn ima uhunmwu.”

Gẹnẹsis 38:24

Ọ ghi rre uki eha, emwa eso keghi do khama e Juda wẹẹ, “Tama ne amwẹ ovbuẹ miẹn okpia, ọ wa hanmwa nian.” E Juda keghi kha wẹẹ, “Wa siẹe ladian ore ne uwa ya giẹn ọnrẹn uan ne ọ wu.”

I Krọnikol 2:7

Ekani ne ovbi e Kami, ne ọkpa vbe uwu ivbi uniẹn Zẹra, keghi si ọkhọ dan ye ivbi Izrẹl uhunmwu vbe ekpa ne ọ na rhie vbe emwi ne a viọ rre vbe okuo, na a wẹ ne a ya ẹe fi ohan ne Osanobua.

Itan 1:19

Ẹmwẹ oyi ne a rha ọ re oyi lele rrie, emwi na ọ re ọ sunu vbe egbe ọmwa ne ọ yin uyinmwẹ ika.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Levitikọs 20:14

A deghẹ ọmwa rhie okhuo kevbe iye ẹe rọnmwẹ, a ghi giẹn iran eheha vbe erhẹn rhunmwuda emwi efaa ne iran ru, a ghẹ gie a miẹn egbe emwi vberriọ vbe uwu ẹbu uwa.

Levitikọs 20:2

ne ọ tama ivbi Izrẹl wẹẹ, “Ọmwaikọmwa vbe uwu uwa ra vbe avbe orhunmwuyẹn ni rre uwu uwa ne ọ rhirhi rhie vbe ivbi ẹre ne a ya ru ẹbọ Milkọm, emwa hia ghi filo okuta gbe ẹe rua.

Levitikọs 21:9

Ovbi ohẹn gha khian ebabotu, te ọ fa erha ẹe rua, a ghi ya erhẹn giẹn ọnrẹn uan ne ọ wu.

Levitikọs 24:14

“Rhie ọmwa nii hin uwu agọ rre. Emwa ni họẹn vbe ọ tie ihẹn hia ghi viọ obọ yan ẹre uhunmwu ne iran ya sẹ osẹe wẹ ọ rrie abe, iyeke ọnii, emwa hia ghi koko filo okuta gbe ẹe rua.

Galatia 5:12

Iran ni do gha rueghe uwa orhiọn na, vbe ọ rrọọ akpawẹ iran gha wa ru fo, wẹ ne iran ya ye egbe iran khian osọnmwẹ.

Diuteronomi 13:10

Filo okuta gbe ẹe rua, te ọ te ho ne ọ bibi ruẹ odẹ hin ehe ne Nọyaẹnmwa Osanobua ruẹ ye rre, ọmwa ne ọfan-an vbe irri vbe Igipt ne uwẹ na te re ọviẹn.

Diuteronomi 13:11

Ẹghẹ nii, emwa Izrẹl hia ghi họn emwi ne ọ sunu, iran ghi ya ọ nii wan, a i ghi vbe miẹn ọmwa ne ọ gha dọlegbe ru egbe emwi dan vberriọ.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 21:21

Ẹghẹ nii, avbe ekaolotu ẹvbo nii ghi filo okuta gbe ẹe rua, odẹ vberriọ ọ re u gha ya wabọ emwi dan ni uan. Emọ ni rre Izrẹl hia ghi họn, dọmwadẹ ọghọe ghi rhie ẹwaẹn ye uhunmwu.

II Tẹsalonaika 1:6

Rhunmwuda, ẹ i mwẹ Osanobua ma ru vbene ọ ke yi, ọ gha hihiẹ usẹ yan iran ni sẹ uwa usẹ ẹghẹ na.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.

Jọsua 7:15

Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

I Samuẹl 14:29

E Jonatan keghi kha wẹẹ, “Emwi ne ọ mu ohan erha mwẹ wa ru emwa na re, ghe vbene egbe ma mwẹ hẹ nian rhunmwuda ne I na rri owọn kherhe!