Jọsua 7:24 - Edo Bible (E Baibol Ẹdo) Version 1996

²⁴ E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Jọsua 7:24 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Job 20:15

Ọmwa dan ghi kpa ẹfe ne ọ do hẹ ladian Osanobua ghi rhie ẹre ke uwu ẹkpokhurhu ẹre ladian.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Aizaia 65:10

Iran gha ga mwẹ, iran ghi vbe gha viọ ohuan kevbe ẹmila iran ya gha rria vbe Otọe Nọrriẹe ọghe Siarọn vbe odẹ orrie kevbe vbe Iya Orueghe vbe odẹ ahọ.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Jọsua 15:7

ọ na vbe ke Iya Orueghe kpao gha rrie Debẹ, ọ na vbe laghe odẹ okuọ, ọ kevbe bi egbe ghe Gilgal ne ọ mu aro da Adumim Pas ne ọ rre Odẹ ekẹn ọghe Iya nii. Ọ na vbe ke evba gha rrie ẹzẹ Ẹnsiemẹs, ọ na vbe niẹn obọ ghe Ẹnrogẹl.

Jọsua 22:20

Yerre wẹ Ekani ne ovbi e Zẹra he ne ọ rhie uhi ne a yi ye ẹmwẹ emwi ne a wẹ ne a fuan, a na rri ivbi Izrẹl hia oya yọ. Ẹ i re Ekani ọkpa ọ re ọ wu ba ẹmwẹ orukhọ ẹre.”

Jọsua 6:18

Sokpan zẹ vbene ọ de kan uwa na, wa ghi gban egbe ne avbe emwi ne a fuẹn uan, wa gha rhie vbe emwi ne a ta nẹ wẹ ne a fuẹn uan, te uwa ra mu ọlọghọmwa kevbe ọfuan la agọ ivbi Izrẹl.

Jọsua 6:21

Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 7:1

Izrẹl keghi rra uhi e Nọyaẹnmwa ne ọ khare wẹ ne a ghẹ rhie emwi rhọkpa ne a wẹ ne a fuẹn uan vbe Jẹriko. Ekani ọrọre ọmwa ne ọ viọ emwi eso. Rẹn kegha re ovbi Kami ne ovbi Zabdi ne ovbi Zẹra vbe ẹwae ọghe Juda. Ohu ivbi Izrẹl keghi kakabọ mu e Nọyaẹnmwa.

Jọsua 7:23

Iran keghi viọ iran ladian vbe owa ukpọn nii, iran na viọ bu e Jọsua kevbe ivbi Izrẹl, a na viọ iran ye otọ vbe odaro e Nọyaẹnmwa.

Jọsua 7:26

Iran keghi silo okuta kpitii yan rẹn, te ọ ye rre evba do sẹ ẹdẹnẹrẹ na. Onii ọ siẹe ne a na ye tie evba nii “Iya Orueghe.” Iyeke ọnii, ohu ma ghi mu e Nọyaẹnmwa ọvbehe.