Jọsua 7:15 - Edo Bible (E Baibol Ẹdo) Version 1996

¹⁵ Ọmwa ne a miẹn avbe emwi nii vbe obọ ẹre, a ghi giẹn ọnrẹn uan kevbe ẹgbẹe ọre kevbe emwi ne ọ mwẹ hia. Emwi ne ọ mu ohan ọre ọ ru, ọ keghi rra ẹmwẹ ne imẹ vbe emwa mwẹ gba ta.”

Jọsua 7:15 ပူးပေါင်းရင်းမြစ်များ

Gẹnẹsis 34:7

vbe uwu ẹghẹ ne ivbiẹre na ke uwu oha rre zẹẹ. Ugbẹn vbe iran họn ẹmwẹ na, udu iran si vbọ, ohu ke mu iran ẹsẹse wẹ Siẹkẹm ru emwi ohan vberriọ, ọ na fi unu gie ivbi Izrẹl hia vbekpa ne ọ na ya ẹtin gu ovbi e Jekọb ru emwi.

II Samuẹl 13:13

Mẹ gha ye sẹtin guan vbe uwu ẹbu ẹdẹ ra? Kevbe uwẹ tobọ ruẹ, u ghi do fa egbe ua vbe Izrẹl. Lahọ, gu ọba guan, mẹ yayi wẹ, ọ gha ya mwẹ nuẹn.”

Jọsua 7:11

Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.

Jọsua 7:16

E Jọsua keghi kpaegbe vbe owiẹ vbirrivbirri, ọ keghi viọ Izrẹl ladian ẹwae ẹwae. Ọ keghi mu ẹwae ọghe Juda.

Giọgis 20:10

Obọkpa vbe uwu igbe vbe ivbi Izrẹl ghi viọ evbare ne ivbi iyokuo, ni ghi de kẹe ghi ya rri e Gibea oya ye uyinmwẹ ihin ne iran yinrin vbe Izrẹl.”

Giọgis 20:5

Ivbi e Gibea kegha dee do mu mwẹ, iran keghi ghae lẹga owa nii vbe asọn. Te iran te ho ne iran gbe mwẹ uan. Sokpan ye ihe ọnii, iran keghi mu ọse mwẹ, iran keghi ye ẹtin vbe iwegbe gha gu ẹe ru emwi ọdọ vbe amwẹ, rẹn na ghi wu.

Giọgis 20:6

Ọre I na mu ikun ẹnrẹn, I na giagia ẹre ukhiọnmwẹ, I na ghae ẹre la otọ Izrẹl hia. Emwi dan, emwi ọrhiae ọ re iran na ru vbe uwu ẹbu ima.

I Samuẹl 26:21

E Sọl keghi wanniẹn wẹẹ, “I baeku ru nẹ. Dọlegbe gha dee, e Devid ne ovbi mwẹ. I i ghi ruẹ emwi rhọkpa ọvbehe rhunmwuda, u ma gbe mwẹ uan ẹrẹna. Akpa ọ re I gha khin! Emwi dan ne ọ mu ohan ọ re I wa ru!”