Jọsua 6:7 - Edo Bible (E Baibol Ẹdo) Version 1996

⁷ Ọ kevbe tama avbe emwa ni wẹẹ, “Wa si okhian. Wa khian lẹga ẹvbo nii vbene avbe ivbi iyokuo na ke odaro ne Ẹkpẹti Ile ọghe Nọyaẹnmwa.”

Jọsua 6:7 ပူးပေါင်းရင်းမြစ်များ

Jọsua 1:14

Avbe amwẹ uwa kevbe ivbi uwa kevbe ẹmila uwa gha mudia vbe otọe nii ne Mosis mu ne uwa, sokpan, avbe ivbi iyokuo ni rre uwu uwa gha gberra ne iran ke odaro ivbi Izrẹl ne ihua uwa iran ghi mu egbe ne iran ya ye iran obọ vbe okuo.

Jọsua 4:13

Vbene e Nọyaẹnmwa na gha ghe iran, arhunmwu arriaisẹn iyeva (40,000) ni mu egbe okuo, keghi fian ẹẹn gberra la otọe ne ọ rriẹe vbe ọkpẹn Jẹriko.

Jọsua 6:3

Ke uwẹ kevbe ivbiyokuo ruẹ, wa ya ikpẹdẹ ehan khian lẹga e Jẹriko uhukpa vbe ẹdẹ.

Jọsua 6:6

Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”

Jọsua 6:8

Vbe ọwarọkpa vbe Jọsua ghi guan nẹ, avbe ohẹn ihinrọn ni keghi ke odaro ne Ẹkpẹti Ile ọghe Nọyaẹnmwa, iran na ghi si orhu nii. Avbe ivbiyokuo keghi ke odaro ne avbe ohẹn ni si orhu nii, iran ni ke odieke kegha lele enii dee. Orhu nii keghi wa gha tu yan egbe khian.