Jọsua 6:6 - Edo Bible (E Baibol Ẹdo) Version 1996

⁶ Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”

Jọsua 6:6 ပူးပေါင်းရင်းမြစ်များ

Ẹksọdọs 25:14

Wa ghi fi ọkpọ la ẹgba vbe obọ ọghe ẹkpẹti ne a ya gha muẹn.

Iwinna 9:1

Vbe uwu ẹghẹ ne a kha na, e Sọl keghi wa gha yan dunmwu ẹgun vbe ne irẹn gha gbele avbe erhuanegbe Nọyaẹnmwa hẹ. Ọ keghi bu Ogie Ohẹn gha khian.

Jọsua 24:11

Wa keghi fian Jọdan rra gha die Jẹriko. Ivbi e Jẹriko kegha gu uwa gbinna vbene emwa Amọri, Pẹriz, Hiti, Gẹgas, Hivi kevbe Jebus vbe ru. I keghi rhie akhọnmiotọ ne uwa vbe uhunmwu iran.

Jọsua 3:3

Iran keghi tama emwa nii wẹẹ, “Wa gha bẹghe avbe ohẹn vbe iran a mu Ẹkpẹti Ile ọghe Nọyaẹnmwa Osanobua rua, wa rhọ emwi ne uwa lele iran.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”

Jọsua 6:7

Ọ kevbe tama avbe emwa ni wẹẹ, “Wa si okhian. Wa khian lẹga ẹvbo nii vbene avbe ivbi iyokuo na ke odaro ne Ẹkpẹti Ile ọghe Nọyaẹnmwa.”

Jọsua 6:8

Vbe ọwarọkpa vbe Jọsua ghi guan nẹ, avbe ohẹn ihinrọn ni keghi ke odaro ne Ẹkpẹti Ile ọghe Nọyaẹnmwa, iran na ghi si orhu nii. Avbe ivbiyokuo keghi ke odaro ne avbe ohẹn ni si orhu nii, iran ni ke odieke kegha lele enii dee. Orhu nii keghi wa gha tu yan egbe khian.

I Samuẹl 4:3

Iran ni miẹn uhunmwu vbọ ghi dọlegbe sẹ agọ nẹ, avbe ọkaolotu ivbi Izrẹl keghi kha wẹẹ, “Vbọzẹ ne e Nọyaẹnmwa na gie ivbi Filistin khọn ima miotọ ẹrẹna yi? Wa gie ima ya mu Ẹkpẹti Ile ọghe Nọyaẹnmwa ke Silo gha dee ne ọ miẹn ehe na lele ima gha khian, ne ọ ya miẹn ima fan vbe obọ avbe eghian mwa.”