Jọsua 6:25 - Edo Bible (E Baibol Ẹdo) Version 1996

²⁵ Sokpan e Jọsua keghi sẹ Rehab rae ke ẹe kevbe etiọnrẹn hia rhunmwuda rẹn ọ re ọ viọ avbe emwa ne a gie ẹre uhunmwu ya baba otọ Jẹriko ghe lẹre. (Ivbi iran ye rre Izrẹl do sẹ ẹdẹnẹrẹ na.)

Jọsua 6:25 ပူးပေါင်းရင်းမြစ်များ

Matiu 1:5

Salmọn ọre ọ biẹ Boaz (a keghi tie iye ẹe Rehab.) Boaz ọre ọ biẹ Obẹd (a tie iye ẹe Rut) Obẹd ọre ọ biẹ Jese ne ọ biẹ Devid ne ọba.

Iwinna 2:21

Ọmwa ne ọ rhirhi da tie eni Nọyaẹnmwa, a gha miẹn rẹn fan.’

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Jems 2:25

Erriọ ọghe Rehab ne ebabotu vbe gha ye. Emwi ne ọ ru ọre a ya ka ẹe ye ne ọ mudia ẹse vbe odaro Osanobua, ne ọ na miẹn iran yi ighẹ emwa ne avbe Ju giẹre uhunmwu, ne ọ na ma iran odẹ ọvbehe la gha rrie.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:18

U ghi danmwẹ ehọ. Ma gha mu okuo sẹ ẹvbo ruẹ, u ghi de irri ne ọ baa na ye ewindo ne u nu ima la tuorre na. U ghi koko avbe erha a, iyuẹ, etuẹn ne ikpia, kevbe ẹgbẹe erha hia ye owa ruẹ.

Jọsua 2:4

Sokpan okhuo nii keghi viọ ikpia eveva na, ọ na viọ iran lẹre, rẹn keghi wanniẹn wẹẹ, “Vbe ẹmwata, ikpia eso gele sẹ owa mwẹ, sokpan I ma rẹn ehe ne iran ke rre. Ovẹn ghi dero, vbe a te khui urho ẹvbo vbe asọn, iran keghi vbe kpao. Sokpan I ma nọ iran ehe ne iran rrie.” (Rẹn keghi viọ avbe ọrhẹ nii la ihie, ọ keghi ye erhan kevbe ebe izẹ ni rre evba gue iran ginna otọ.)

Jọsua 4:9

E Jọsua kevbe mwamwa okuta iweva ye adesẹ Jọdan ehe ne avbe ohẹn ni mu Ẹkpẹti Ile Nọyaẹnmwa mudia yi (avbe okuta na ye rre evba.)