Jọsua 6:23 - Edo Bible (E Baibol Ẹdo) Version 1996

²³ Ẹre iran na gha khian ya rhie Rehab ladian, kevbe erhae, iye ẹe, etiọnrẹn ne ikpia kevbe emwa ẹgbẹe ọre ni dekẹe. Iran keghi viọ iran kevbe avbe eviẹn iran, ye vbe a gha lahin agọ ivbi Izrẹl rre nẹ.

Jọsua 6:23 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 18:24

A deghẹ a miẹn arhunmwu ekigbesiyeha nọ ma rukhọ vbe evba nii, u gha ye fuẹn ẹvbo nii hia ra? U i sọrae ra ne u miẹn ehe na sinmwi arhunmwu ekigbesiyeha nii?

Gẹnẹsis 19:29

Sokpan ugbẹn vbe Osanobua fuẹn avbe ẹvbo ni rre iya nii hia, ọ keghi mu ẹmwẹ Ebraham roro, ọ na gie Lọt miẹn uhunmwu vbọ.

Nọmbas 31:19

Sokpan, wa hia ne obọ ẹre vba ọmwa ya gbe, kevbe ni ya obọ kan orinmwi, wa ghi mudia vbe ore, wa ghẹ la agọ ọ te sẹ ikpẹdẹ ihinrọn. Wa ghi họnmwẹ egbe kevbe avbe ikhuo ne uwa khọn mu vbe ikpẹdẹ ne ogieha kevbe ne ogihinrọn.

Iwinna 10:28

Ọ keghi tama iran wẹ, “Wa tobọ uwa rẹnrẹn ẹsẹse wẹ, zẹ vbe ne ẹmwẹ ugamwẹ khare, a i gie Ju ya gha tuẹ, ra ne ọ ya gha gu avbe emwa ne ẹ i re Ju mu obọ. sokpan Osanobua rhie ma mwẹ nẹ wẹ ne I ghẹ tie ọmwaikọmwa emwi awua ra ne ọ ma huan.

Iwinna 27:24

‘Ghẹ mu ohan Pọl, te u gha mudia vbe odaro e Nọgbaisi, deba ẹre, Osanobua ne ọ maa, vbe ya orhiọn iran ne uwa gba gua khian ru uwẹ ẹse nẹ!’

I Kọrinti 5:12

Emwi ne ọ khian ọrọre wẹ, ọ ma kan mwẹ kan iran ne ẹ i rre otu mwa ne I gha bu ohiẹn iran.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Jọsua 2:13

Wa ghi gie erha mwẹ, iye mwẹ, etẹn mwẹ, ne ikpia kevbe etẹn mwẹ ne ikhuo kevbe ẹgbẹe iran hia miẹn uhunmwu! Wa ghẹ gia gbele ima an.”

Jọsua 2:16

Okhuo nii keghi tama iran wẹẹ, “Wa lẹ gha rrie ẹvbo uhunmwu oke, a deghẹ ẹi re erriọ, obọ ibiẹka ọba gha vba uwa, wa ghi lẹre la ikpẹdẹ eha iran te do werriegbe rre. Iyeke ọnii, wa sẹtin lele odẹ uwa gha khian.”

Jọsua 2:18

U ghi danmwẹ ehọ. Ma gha mu okuo sẹ ẹvbo ruẹ, u ghi de irri ne ọ baa na ye ewindo ne u nu ima la tuorre na. U ghi koko avbe erha a, iyuẹ, etuẹn ne ikpia, kevbe ẹgbẹe erha hia ye owa ruẹ.

Giọgis 1:25

Ọ keghi gele ma iran ẹre. Ẹre ivbi Ifreim kevbe Manasẹ na gbele emwa hia ni rre ẹvbo nii uan, sokpan amawẹ okpia na ke ẹe kevbe ẹgbẹe ọre hia.