Jọsua 6:22 - Edo Bible (E Baibol Ẹdo) Version 1996

²² E Jọsua keghi tama avbe ikpia eva ni ya ru ọrhẹ nii wẹẹ, “Wa gha rrie owa ebabotu nii, wa ya viọ irẹn kevbe emwa owa ẹre ladian, zẹ vbene uwa yan ma rẹn.”

Jọsua 6:22 ပူးပေါင်းရင်းမြစ်များ

II Samuẹl 21:2

(Ivbi e Gibiọn i re ivbi Izrẹl, ibozẹghẹ vbe ivbi Izrẹl yan ma iran ighẹ iran gha tan ifuẹn ga iran, sokpan, e Sọl keghi te gha hia ne ọ wa fuẹn iran a rhunmwuda orhikhan kevbe ohawa ne ọ ye ba ẹmwẹ ivbi Izrẹl kevbe Juda.)

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Ezikiẹl 17:13

Ọ keghi rhie okpa vbe uwu ivbi ẹgbẹe ọba, ọ keghi gu ẹe rhie obọ ye ebe wẹ ne ọ gha ga gie irẹn vbe ekhọe esi. Ọ keghi viọ emwa kpataki ye iyoha.

Ezikiẹl 17:16

“Omwa vbene a na miẹn wẹẹ mẹ ọrọre Osanobua ne ọ rrọọ, erriọ e Nọyaẹnmwa ne Udazi khare, e Babilọn ọ re ọba na ra wu yi rhunmwuda ọ rra iyi kevbe ebe ne ọ gu ọba e Babilọn ne ọ ma ẹre ọba rhie obọ yi.

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.

Jọsua 6:23

Ẹre iran na gha khian ya rhie Rehab ladian, kevbe erhae, iye ẹe, etiọnrẹn ne ikpia kevbe emwa ẹgbẹe ọre ni dekẹe. Iran keghi viọ iran kevbe avbe eviẹn iran, ye vbe a gha lahin agọ ivbi Izrẹl rre nẹ.

Jọsua 9:15

Ẹre Jọsua na gu iran vẹn ihẹn ọse, ọ na vbe gu iran ta ile ne gbain wẹ, iran gha gie iran gha rre agbọn. Avbe ọkaolotu ivbi Izrẹl keghi ya ekhọe hia yan eyan ma iran.

Giọgis 1:25

Ọ keghi gele ma iran ẹre. Ẹre ivbi Ifreim kevbe Manasẹ na gbele emwa hia ni rre ẹvbo nii uan, sokpan amawẹ okpia na ke ẹe kevbe ẹgbẹe ọre hia.