Jọsua 6:21 - Edo Bible (E Baibol Ẹdo) Version 1996

²¹ Iran keghi ya umozo iran gbele emwa hia ni rre ẹvbo nii uan ikpia kevbe ikhuo, ọmaẹn kevbe ẹghele. Iran keghi vbe gbele avbe ẹmila, avbe ohuan kevbe avbe ekẹtẹkẹtẹ.

Jọsua 6:21 ပူးပေါင်းရင်းမြစ်များ

I Ọba 20:42

Akhasẹ nii keghi tama ọba wẹẹ, “Vbenian ọre Nọyaẹnmwa khare, rhunmwuda ne u na gie ọmwa nii lẹfua vbe imẹ wẹ ne u gbe ẹe rua, uhunmwu ọ re u ra ya khiọ ẹre, a gha fuẹn ivbi iyokuo ruẹ ua rhunmwuda ne iran na gie ivbi iyokuo ẹre lẹfe.”

Jerimaia 48:18

Wa ni rre Dibọn, wa ke ukpo uyi uwa tuorre, ne uwa tota ye ebubẹ vbe otọ. Ọmwa ne ọ fuẹn Moab ua rre emwa na, ọ keghi ye avbe owa ọkhẹ ẹre khian itowa.

Diuteronomi 13:16

Wa ghi viọ emwi ne emwa ẹvbo nii mwẹ hia ladian, a ghi do si ẹe yan egbe vbe ughe ẹvbo nii, wa ghi giẹn ẹvbo ni ke emwi hia ni rrọọ zẹ vbe emwi izọese gie Nọyaẹnmwa Osanobua rua. A ghi wa gie ẹe gha re itowa ẹdẹdẹmwẹdẹ, a ghẹ dọlegbe bọe.

Diuteronomi 2:34

Vbe uwu ẹre nii, ma keghi khọn ẹvbo ni rrọọ hia mu otọ, ma keghi gbele emwa hia a, ikpia kevbe ikhuo kevbe ibiẹka. Ma ma vbe sẹ ọkpa rae ye agbọn.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Jọsua 10:28

E Jọsua keghi dekun Makẹda, ọ na khọn rẹn ke ẹe kevbe ọba ẹre vbe ẹdẹnẹdẹrriọ. Ọ keghi gbele emwa nii rre ẹvbo ni hia a, ọ ma vbe fi ọkpa ye agbọn vbọ. Ọ kevbe ru ọba Makẹda zẹ vbene ọ vbe ru ọba Jẹriko.

Jọsua 10:39

Ọ kevbe khọn mu ẹẹn ke ẹe kevbe ọba ẹre kevbe ẹvbo ni sikẹ ọre. Iran keghi gbele emwa ni rre evba nii hia a. E Jọsua keghi ru Debẹ kevbe ọba ẹre zẹ vbene ọ vbe ru Hibrọn, Libna kevbe avbe ọba iran.

Jọsua 11:11

Iran keghi gbele emwa hia ni rrọọ, iran ma sẹ ọkpa rae ye agbọn, iran na vbe giẹn ẹvbo iran an.

Jọsua 11:14

Ivbi Izrẹl keghi viọ emwi ni maa ni rrọọ hia kevbe avbe ẹmila ni rre ẹvbo nii, iran na ya ehia khian ọghe iran, sokpan, iran keghi gbele emwa ne agbọn ni rrọọ, iran ma vbe sẹ ọkpa rae ye agbọn.

Jọsua 8:2

Zẹ vbene uwa ru Jẹriko ke ọba ẹre, erriọ wa gha vbe ru Eai ke ọba ẹre. Sokpan, vbe ọnọna, wa sẹtin viọ emwi ke ẹmila iran ya khian ọwua, wa mu egbe ne uwa ya khọn ẹvbo nii, wa ghi la iyeke do ẹe mu.”

Jọsua 8:22

Ivbi Izrẹl ni rre ore ẹvbo keghi mu aro da emwa Eai. Ivbi Izrẹl keghi wa lẹga iran fo, iran na gbele iran uan, ọkpa ne ọ sẹtin lẹfe ra ne ọ miẹn uhunmwu vbọ i vbe rrọọ.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.

I Samuẹl 15:3

Gha khian, ya dekun emwa Amalẹk ne u wa fuẹn emwi hia ne iran mwẹ uan fẹẹrẹ. Ghẹ sẹ emwi ọkpa rae, wa gbele ehia a, ikpia ikhuo, ibiẹka, emọ obọ, ẹmila, ohuan e kamẹl kevbe ekẹtẹkẹtẹ.”

I Samuẹl 15:8

Ọ keghi mu Agag ne ọba oghunmwu ke ẹe kevbe ẹmwẹ ne unu. Sokpan ọ keghi gbele emwa nekpa hia a.