Jọsua 6:19 - Edo Bible (E Baibol Ẹdo) Version 1996
19 Sokpan avbe emwikemwi ne a ya esiliva ra igoru ra oze ra ematọn ru, te a ra viọ iran ye efẹn ọkpa ne Nọyaẹnmwa. Te a ra viọ iran ye uwu aza e Nọyaẹnmwa.”
E Solomọn ghi winna iwinna ni rre Ọgua Osa hia fo nẹ, ọ keghi do viọ avbe emwi hia ne Devid ne erha ẹe ya fiohan ne Ọgua Osa ye aza Ọgua Osa avbe esiliva kevbe igoru kevbe emwi ne a ya ru emwi ọvbehe.
E Devid na ya ehia fi ohan ne a ya gha ru ugamwẹ, deba avbe igoru kevbe esiliva ne ọ viọ kevbe avbe ẹvbo ne ọ khọn rẹn gha dee, avbe Idọm, e Moab, Amọn, Filistia kevbe Amalẹk.
E Sielomit kevbe ivbi ẹre ọ re ọ gha sin iran ẹro ighẹ avbe emwi ne Devid ne ọba ya mu ohan gie Osanobua kevbe dọmwadẹ ọba ẹgbẹe, avbe ekaolotu avbe ẹwae kevbe avbe ivbiyokuo.
E Sielomit kevbe ẹgbẹe ọre, ọ re ọ gha gbe aro ghe avbe emwi ne a ya fi ohan ne a gha lo vbe Ọgua Osa, ya deba avbe emwi ne Samuẹl ne akhasẹ hẹ rre, ne a Sọl viọ rre kevbe ne Abna ne ovbi e Nẹẹ, kevbe ne Joab ne ovbi e Zeruaia.
Ọ keghi vbe viọ ne ẹẹn ba ẹre ama emwamwa ọgua ni rrọọ zẹ vbene ọ rre irẹn ekhọe, kevbe avbe ugha ni lẹga iran, kevbe avbe aza ne a viọ emwi ne a lo vbe uwu Ọgua Osa yi deba aza emwi ne a ya fi ohan gie Nọyaẹnmwa.
Ọ keghi viọ avbe emwi ne Abija ne erha ẹe ya fi ohan ne Nọyaẹnmwa hia ye uwu Ọgua Osa kevbe avbe emwi igoru kevbe esiliva ne irẹn tobọ ẹre ya fi ohan ne Nọyaẹnmwa.
Iran keghi dọlọ avbe emwi izọhẹ kevbe a gha ye igbe ye evba. Iran keghi rhie Livai ọkpa ne a tie ẹre Konanaia yọ ne ọ gha gbe aro ghe ẹre, iran keghi vbe rhie ọtiọnrẹn ne okpia ighẹ Simẹi ne ọ ogha ye ọ re obọ.
Avbe Livai gha koko aghaeyihigbe vbe obọ emwa, avbe ohẹn ni re ivbi uniẹn Errọn ghi mudia ke iran, avbe Livai ghi viọ obọkpa vbe uwu igbe vbe aghaeyihigbe ne iran koko, ye aza vbe Ọgua Osa ne a miẹn gha lo vbe Ọgua Osa.
E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”
Emwikemwi ne ẹ i giẹn vbe erhẹn zẹ vbene igoru ye, esiliva, oze, ematọn ra ẹrọnmwọ, a ghi mu ẹẹn la erhẹn gberra ne a ya rarae họnmwẹ ọẹn ruan. Emwi ni ghi dekẹ hia, a ghi ye amẹ ne a ya họnmwẹ emwi họnmwẹ ruan.
Izrẹl rukhọ nẹ. Ẹmwẹ ne ima gba ta ne I wẹ ne iran rhie mwẹ, iran rra ẹre. Iran viọ eso vbe uwu emwi ne a wẹ ne a fuẹn uan. Iran duẹe viọ, iran vbe ta ohoghe yọ, iran na viọ iran ba emwi iran.