Jọsua 6:16 - Edo Bible (E Baibol Ẹdo) Version 1996

¹⁶ Iran ghi khian lẹga vbe ne ukpo-gihinrọn, avbe ohẹn ghi si orhu ni nẹ, e Jọsua keghi tama emwa ni wẹẹ, “Wa davan, e Nọyaẹnmwa mu ẹvbo na ne uwa nẹ.

Jọsua 6:16 ပူးပေါင်းရင်းမြစ်များ

II Krọnikol 13:14

Ivbi e Juda ghi ghe ighẹ a gha ga iran, iran ghi na datu tie Nọyaẹnmwa nọ iyobọ, avbe ohẹn keghi kpe okpe.

II Krọnikol 13:15

Ivbi e Juda na wa davan, Abija keghi ke odaro ne iran, iran na suẹn igbinna, Osanobua keghi khọn e Jeroboam kevbe ivbiyokuo Izrẹl.

Jọsua 6:15

Vbe ikpẹdẹ ne ogihinrọn, iran keghi kpaegbe vbe ẹdẹ wa da gbe, iran keghi khian lẹga ẹvbo ni igba ihinrọn vbene iran ka ruẹe de yi ẹdẹrriọ ọkpa kẹkan ọ re iran khian lẹga ẹre igba ihinrọn.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”