Jọsua 6:15 - Edo Bible (E Baibol Ẹdo) Version 1996

¹⁵ Vbe ikpẹdẹ ne ogihinrọn, iran keghi kpaegbe vbe ẹdẹ wa da gbe, iran keghi khian lẹga ẹvbo ni igba ihinrọn vbene iran ka ruẹe de yi ẹdẹrriọ ọkpa kẹkan ọ re iran khian lẹga ẹre igba ihinrọn.

Jọsua 6:15 ပူးပေါင်းရင်းမြစ်များ

Psalm 119:147

Vbe owẹn te yan rre, I da tie ruẹ nẹ wẹ ne u yọmwẹ obọ, eyan ruẹn ọ re imẹ na mwẹ idanmwehọ.

Matiu 28:1

Ugbẹn vbe Ẹdẹ Ikẹtin ghi gberra nẹ, vbe owiẹ vbirrivbirri ọghe ẹdẹ Izọla nọkhua, Meri Magdalen kevbe Meri nọkpa keghi ladian ne iran ya ghe idin ghe.

Hibru 11:30

Iyayi ọre ọ mu ekẹn Jẹriko gbe otọ, iyeke vbe ivbi Izrẹl ye ikpẹdẹ ihinrọn khian lẹga ẹre nẹ.

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Jọsua 6:14

Erriọ nọ zẹẹ, vbe ikpẹdẹ ne ogieva, iran keghi vbe khian lẹga ẹvbo nii uhukpa. Iran na dọlegbe gha die agọ. Iran keghi ru ọna la ikpẹdẹ ehan.

Jọsua 6:16

Iran ghi khian lẹga vbe ne ukpo-gihinrọn, avbe ohẹn ghi si orhu ni nẹ, e Jọsua keghi tama emwa ni wẹẹ, “Wa davan, e Nọyaẹnmwa mu ẹvbo na ne uwa nẹ.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.