Jọsua 6:12 - Edo Bible (E Baibol Ẹdo) Version 1996

^12-13 Vbe ikpẹdẹ ne ọ lelẹe, e Jọsua keghi kpaegbe vbe owiẹ vbirrivbirri, avbe ohẹn kevbe tọn Ẹkpẹti Ile mu. Avbe ohẹn ni ihinrọn ni viọ orhu mwẹ keghi ke odaro, iran na gha si avbe orhu nii khian. Avbe ivbiyokuo ke odaro ne iran, vbene avbe abodẹ na ke odieke. Orhu ni kegha tu yan egbe khian.

Jọsua 6:12 ပူးပေါင်းရင်းမြစ်များ

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

Diuteronomi 31:25

Ọ ghi gbẹn ọẹn fo nẹ, ọ keghi tama avbe ohẹn e Livai, iran ni sin ẹro Ẹkpẹti Ile ọghe Nọyaẹnmwa wẹẹ,

Jọsua 3:1

Vbe owiẹ ne ọ lelẹe, e Jọsua keghi kpaegbe ke ẹe kevbe ivbi Izrẹl hia, iran keghi si kpao hin agọ Akesia rre, iran na gha rrie Jọdan. Iran keghi si agọ bu vbe evba, iran kevbe fian ẹẹn rra.

Jọsua 6:11

Ọ keghi gia avbe ohẹn ke Ẹkpẹti Ile ọghe Nọyaẹnmwa lẹga ẹvbo ni uhukpa. Iran keghi werriegbe gha die agọ iran na do gbe asọn nii vbe evba.

Giọgis 20:19

Ẹre ọ ghi na sẹ owiẹ, ivbi Izrẹl keghi kpaegbe, iran na ya bu agọ ye ọkpẹn Gibea.