Jọsua 6:10 - Edo Bible (E Baibol Ẹdo) Version 1996

¹⁰ Sokpan, e Jọsua keghi tama emwa nii wẹ ne iran ghẹ kpe orhu rhọkpa, ne iran ghẹ talọ hiehiere, rhinrin rẹn te do tama iran.

Jọsua 6:10 ပူးပေါင်းရင်းမြစ်များ

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Aizaia 42:2

Rẹn i ra go ra ne ọ tọn urhu mu ra ne ọ gha vannọ guan vbe adesẹ ore.

Matiu 12:19

rẹn i muan ẹmwẹ, ẹ i soo, ra ne ovbe gha vannọ okan vbe ada.

Iyẹn ne ọ Maan Ọghe Luk 24:49

Mẹ gha tobọ mwẹ rhie emwi ne Evbavba yan eyan rẹn ne uwa. Sokpan wa ghi mudia vbe adesẹ ore ẹvbo rhinrin ẹtin te ke odukhunmwu rre do hin yan uwa.”

Iwinna 1:7

Jesu tama iran wẹẹ, “Ẹghẹ ne ọ khian gha khin, kevbe emwi ne ọ gha sunu, ẹtin Erha mwẹ mwamwa ẹn nẹ, ọ ma kan uwa hiehiere ne uwa rẹn ẹghẹ ne ọ khian gha khin.

Jọsua 6:11

Ọ keghi gia avbe ohẹn ke Ẹkpẹti Ile ọghe Nọyaẹnmwa lẹga ẹvbo ni uhukpa. Iran keghi werriegbe gha die agọ iran na do gbe asọn nii vbe evba.