Jọsua 5:14 - Edo Bible (E Baibol Ẹdo) Version 1996

¹⁴ Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Jọsua 5:14 ပူးပေါင်းရင်းမြစ်များ

Gẹnẹsis 17:17

Ebraham keghi diguẹ mu aro rhuotọ, sokpan ogiẹ keghi fẹe vbe ọ ghi ro ẹre wẹẹ, “Ọmwa gha ye sẹtin biẹ vbe ọ sẹ ukpo iyisẹn nẹ? E Sera gha ye sẹtin biẹ vbe ọ sẹ ukpo ekigbesiyisẹn nẹ?”

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

II Samuẹl 7:19

u keghi vbe dọlegbe ru eyan nian vbe ekpa ọghe uniẹn mwẹ vbe ẹdẹ ne akhuẹ. Wẹ keghi vbe gie aro ọmwa sẹ ọnọna, e Nọyaẹnmwa ne Udazi,

II Samuẹl 7:20

De emwi ne I gha ghi ye tama ruẹn yi! Wẹ rẹn mẹ ne ọguọmwadia ruẹ.

Psalm 110:1

E Nọyaẹnmwa tama e naẹn mwẹ wẹẹ, “Tota ye obọ erhọmwa mwẹ vbe emwa na, vbe I te do viọ avbe eghian ruẹn ye atataowẹ ruẹ.”

Psalm 24:10

De ọmwa ne ọ re ọba nọkhua na? E Nọyaẹnmwa ne ọ khọnmiotọ rẹn ọrọre ọba nọkhua.

Ẹksọdọs 4:10

Sokpan, e Mosis keghi tama Nọyaẹnmwa wẹẹ, “Lahọ ghẹ gie mwẹ, Nọyaẹnmwa, mẹ ma he guara guan vbe ẹbu ẹdẹ, kevbe ne u vbe ya suẹn gha gu mwẹ guan gha dee, I ma he vbe ye guẹ, Nọyaẹnmwa. I i gua ra guan, te I ta ẹe lọkọlọkọ, I ghi vbe gha ba ẹmwẹ.”

Ẹksọdọs 4:13

Sokpan e Mosis keghi kha wẹẹ, “Lahọ, ghẹ gui Nọyaẹnmwa, gie ọmwa ọvbehe ne ọ khọn ruẹn.”

Aizaia 55:4

I yae ru ọkaolotu kevbe ne ọkhaemwisẹ yan avbe uhunmwu ẹvbo. Obọ ẹre ọ re I la rhie ẹtinmwẹ ma iran.

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Ezikiẹl 3:23

Ẹre I na ladian gha rrie uwu iya, I keghi miẹn uyi e Nọyaẹnmwa vbe evba zẹ vbene I wa vbe miẹn ọẹn zẹẹ vbe ọkpẹn Ẹzẹ Kiẹba. I keghi de mu aro rhu otọ,

Daniẹl 10:13

Odibosa ne ovbi ọba ne ọ re ọghe otọe arriọba e Pẹsia keghi mu aro igbinna da mwẹ la ikpẹdẹ ọkpa yan ugie, ẹre Maikẹl, ọkpa vbe uwu avbe ọka odibosa na gha dee do yọmwẹ obọ rhunmwuda mẹ ọkpa ọ re a ghi sẹrae ye Pẹsia vbe evba.

Daniẹl 12:1

Odibosa ne ọ yọ ukpọn eto ovbiohuẹ nii keghi kha wẹẹ, “Ọ ghẹ ghi sẹ ẹghẹ nii, e Maikẹl ne ọka odibosa ne ọ gbearoghe avbe emwa ruẹn gha yegbe ladian, ẹghẹ orueghe ghi rre, egbe ne ọ he khọrhiọn sẹẹ, ke ne a ya bu agbọn tua agbọn. Ọ gha sẹ ẹghẹ nii, avbe ivbi ẹvbo ruẹ ne a gbẹnnẹ eni ẹnrẹn ye ebe Osanobua, a gha miẹn iran fan.

Daniẹl 8:11

Uhin ighe ọ ye vbe fa ovbiọba ọghe ivbiyokuo ẹrinmwi uan, ọ na dobọ ese ne a zọ gie ẹe ẹdẹgbegbe yi, ọ na mu Ọgua Osa rhia.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Nọmbas 22:31

Ẹre Nọyaẹnmwa na gie Balam bẹghe nene odibosa vbe ehe ne ọ na mudia, ke ẹe kevbe umozo. E Balam keghi mu aro rhu otọ.

Matiu 22:44

“ ‘Nọyaẹnmwa tama Nọyaẹnmwa wẹẹ: Tota ye obọ erha ọmwa mwẹ vbe emwa na, rhinrin mẹ te do viọ eghian ruẹn ye uwẹ atataowẹ.’

Matiu 8:2

Ọmwa ọkpa ne ọre ọkhọmwọ alalọ keghi bu ẹre rre, ọ keghi diguẹ nẹẹn, ọ wẹẹ, “Dọmọ o, deghẹ u hoo, u gha sẹtin sinmwi mwẹ.”

Iyẹn ne ọ Maan Ọghe Luk 1:43

Vbe ọ zẹ ne emwi ne ọ kpọlọ vbe nian na sunu vbe egbe mwẹ, ne iye Nọyaẹnmwa na gha de do tuẹ mwẹ?

Iyẹn ne ọ Maan Ọghe Luk 20:42

Rhunmwuda Devid tobọ ẹre tae vbe ebe Psalm wẹẹ, “ ‘Nọyaẹnmwa tama Nọyaẹnmwẹ wẹẹ: Tota yọ mwẹ obọ erha ọmwa vbe emwa na

Iyẹn ne ọ Maan Ọghe Luk 5:12

Jesu keghi sẹ ẹvbo ọkpa ne okpia ọkpa ne alalọ wa gba ẹre egbe ye, ugbẹn vbe okpia na ghi miẹn Jesu, ọ mu ẹko rhu otọ rinmwian ẹn wẹẹ, “A deghẹ u ho, u gha sẹtin ya mwẹ khian ne ọ huanrẹn.”

Iyẹn ne ọ Maan Ọghe Jọn 20:28

Tọmọs wanniẹn tama rẹn wẹẹ, “Nọyaẹnmwẹ kevbe Osanobua mwẹ!”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

Jọsua 20:1

Ẹre Nọyaẹnmwa na tama e Jọsua wẹẹ,

Arhie Maan 12:7

Ẹghẹ nii ọre okuo na sa vbe ẹrinmwi. Maikẹl kẹe kevbe avbe odibosa kegha gu Ugbogiorinmwi nii khọn, rẹn keghi viọ avbe odibo ẹre ba egbe, ọ na vbe gha gbinna.