Jọsua 5:13 - Edo Bible (E Baibol Ẹdo) Version 1996

¹³ E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

Jọsua 5:13 ပူးပေါင်းရင်းမြစ်များ

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 18:2

ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

Gẹnẹsis 28:16

E Jekọb keghi rhiọrre ọ wẹẹ, “Vbe ne a i na gbe awẹawẹ, Nọyaẹnmwa rre emwana, mẹ ma te rẹn!”

Gẹnẹsis 33:1

E Jekọb keghi bẹghe vbe Isọ dee kẹe kevbe arhin uri eva (400) ni lelẹe. Ọ keghi rhunmwuda ọnii gha ivbiẹre ne Lia, Rekiẹl kevbe egbakhian rẹn eva.

Gẹnẹsis 33:5

Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

I Krọnikol 12:22

Uhin ighẹ ẹdẹgbegbe ọre emwa ya gha deba ivbiyokuo e Devid, sẹrriọ wẹ vbe ọma ghi he kpẹe, ivbiyokuo ẹre keghi khian ọrhẹnrhẹn.

I Krọnikol 21:27

E Nọyaẹnmwa keghi tama odibo Osa nii ne ọ rhie umozo ye otọ, odibo Osa nii keghi ru vberriọ.

I Krọnikol 21:30

Sokpan, e Devid ma sẹtin yo odọ ya ga e Nọyaẹnmwa rhunmwuda, ohan umozo ọghe Odibosa e Nọyaẹnmwa kegha mu ẹẹn.

Ẹksọdọs 23:23

Odibosa mwẹ gha ke odaro ne uwa, ọ ghi viọ uwa gha rrie otọ iran ne emwa Amọri, Hiti, Pẹriz, Kenan, Hivi kevbe Jebus, I ghi vbe fuẹn iran an.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Daniẹl 8:3

I ghi ghe ya ghe ogho ọkpa ne ọ mwẹ igho eva hiain hiain vbe ọkpẹn ẹzẹ nii, ọkpa keghi tan sẹẹ, ọ vbe ru ọghọgbọn sẹ nọkpa.

Zẹkaraia 1:8

Mẹ keghi bẹghe odibosa ọkpa ọghe Nọyaẹnmwa, ọ keghi hini ẹsin ne ọ baa. Ọ keghi yakọ vbe uwu ẹbu erhan eso vbe iya, avbe ẹsin ọvbehe eso keghi vbe rre ọre iyeke, ni baa, ni gbẹnnẹ ekẹnnẹkẹnnẹ, kevbe ni fuọfua.

Nọmbas 22:23

Ugbẹn vbe ekẹtẹkẹtẹ nii ghi dẹghe odibosa nii vbe ọ mudia ye odẹ ke ẹe kevbe umozo vbe obọ, ọ keghi lahin urodẹ rre, ọ na gban egbe la oha, e Balam keghi fi ekẹtẹkẹtẹ nii emwi, ọ na dọlegbe dia ẹre ye odẹ.

Nọmbas 22:31

Ẹre Nọyaẹnmwa na gie Balam bẹghe nene odibosa vbe ehe ne ọ na mudia, ke ẹe kevbe umozo. E Balam keghi mu aro rhu otọ.

Iwinna 1:10

Iran keghi ye ziẹn aro ye iso vbe ọ khian, vbe udomwurri, ikpia eva ni yọ ogbọnmwọkpa keghi gu iran mudia.

Jọsua 6:2

E Nọyaẹnmwa keghi tama e Jọsua wẹẹ, “Danmwehọ, te I ra mu e Jẹriko nuẹn ke ẹe kevbe ọba ẹre kevbe ivbiyokuo ẹre ni wegbe.

Arhie Maan 1:13

Emwi ọkpa ne ọ ye vbe ọmwa keghi mudia ye adesẹneva iran, ọ keghi yọ agbada ẹwu ne ọ wa sẹ ọre otọ, ọ keghi vbe mwẹ egba igoru ne ọ wa lẹga re ẹwẹe.

Giọgis 13:11

E Manoa keghi guakpao, ọ na lele amwẹ ọnrẹn. Ọ keghi bu okpia nii gha khian, ọ nọ rẹn wẹẹ, “Wẹ ọ re ọ gu ọvbokhan mwẹ guan ẹdẹ rriọ ra?” Rẹn wanniẹn wẹẹ, “Ẹn.”

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”