Jọsua 5:10 - Edo Bible (E Baibol Ẹdo) Version 1996

¹⁰ Ẹghẹ ne ivbi Izrẹl na gha rre agọ vbe Gilgal, vbe otọe ne ọ rriẹe ne ọ rre ọkpẹn e Jẹriko, iran keghi ru emwiukpo Alagberra vbe ota ọghe ikpẹdẹ ne ogiwenẹ ọghe uki nii.

Jọsua 5:10 ပူးပေါင်းရင်းမြစ်များ

II Samuẹl 15:28

Vbe banbanna nian, I gha yakọ vbe ehe ne a na fian ẹzẹ rra vbe uwu ẹgbo vbe u te gie uhunmwu gun mwẹ!”

Ẹksọdọs 12:11

Te uwa ra mu egbe okhian ya rriọe. Wa ghi gba ukpọn uwa ukugba ginna ẹkun, wa ghi viọ ibata ye owẹ, wa ghi viọ ọkpọ utuaotọ uwa mwẹ obọ, wa ghi rriọe okhirhikhirhi, Evbare Alagberra ọghe uyi mẹ ne Nọyaẹnmwa nọ.

Ẹksọdọs 12:18

Wa ghi suẹn gha rri ebrẹd ne ọ ma hue ke ota ikpẹdẹ ne ogiwenẹ ọghe uki nokaro kpao ya sẹ ota ikpẹdẹ ọkpa yan ugie.

Ẹksọdọs 12:6

Wa ghi muẹn hin rre khẹ ikpẹdẹ ne ne ogiwenẹ ọghe uki na, ẹghẹ ne ivbi Izrẹl hia gha ya gbele aranmwẹ.

Jerimaia 39:5

Sokpan, ivbiyokuo e Babilọn keghi zẹẹ iran khu, obọ iran keghi vba e Zedekaia vbe otọe ne ọ rriẹe vbe ọkpẹn e Jẹriko. Iran keghi mu ẹẹn gie ọba Nebukiadneza ne ọ gha rre Ribla vbe otọ Hamat, evba nii ọ re Nebukiadneza na bu abe gbe ẹe.

Ezikiẹl 12:3

“Banbanna nian, ovbi ọmwa kun emwi zẹ vbe ne ọmwa ne ọ lẹ la ẹvbo ẹrrẹe gha wa ru zẹẹ, ne u deyan okhian vbe ẹdẹ te mu. Gie emwa hia bẹghe ruẹ vbe u a ra kpao ne u gha rrie ehe ọvbehe. Ughaghe, avbe etẹ nii gha bẹghe ruẹ.

Levitikọs 23:5

Ovẹn gha dero nẹ vbe ikpẹdẹ ne ogiwenẹ ọ ghe uki ne okaro, ọre a na ru emwiukpo Alagberra ne a ya gowan e Nọyaẹnmwa.

Maika 6:5

Wa ne emwa mwẹ, wa yerre emwi ne Balak ne Ọba e Moab te mwamwa ne ọ ru uwa re, kevbe ewanniẹn ne Balam ne ovbi e Beọ rhie ne ẹẹn. Wa yerre, avbe emwi ni sunu vbe odẹ ke agọ Akasia ya sẹ Gilgal. Wa ye avbe emwi na rre, wa gha vbe rẹn emwi ne I ru ne I ya miẹn uwa fan.”

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 5:11

Vbe ikpẹdẹ ne ọ wa lelẹe dandaandan, iran keghi rri evbare ne a rhọ re vbe otọe Kenan, ọka ne a tọẹn kevbe ebrẹd ne a le vbe ne a ma na rhie eyist yọọ.

Jọsua 9:6

Iran na bu e Jọsua gha rrie agọ e Gilgal, iran keghi tama rẹn kevbe ivbi Izrẹl wẹẹ, “Ẹvbo ne ọ rrei gban-an ọre ima ke dee. Gie ima kevbe uwa vẹn ihẹn ne egbe.”

I Samuẹl 7:16

Ukpukpo ọ re irẹn ya gha lae ga ke Bẹtẹl gha rrie Gilgal kevbe Mizpa. Ọ ghi gha bu ohiẹn lele ehe na hia khian.