Jọsua 4:22 - Edo Bible (E Baibol Ẹdo) Version 1996

²² Wa ghi ma iran ẹre wẹ te ivbi Izrẹl ya owẹ fian ẹzẹ Jọdan rra vbe otọ ne ọ kae.

Jọsua 4:22 ပူးပေါင်းရင်းမြစ်များ

Ẹksọdọs 14:22

Avbe ivbi Izrẹl keghi la okun nii gberra vbe otọe ne ọ kae vbene amẹ na yevbe egbekẹn vbe obọ eveva.

Ẹksọdọs 14:29

Sokpan ivbi Izrẹl keghi ya owẹ fian okun ne ọ ka ẹe rra vbene amẹ na yevbe egbekẹn ye iran obọ eveva.

Ẹksọdọs 15:19

Avbe ivbi Izrẹl keghi fian okun rra vbe otọe ne ọ kae, sokpan, ugbẹn vbe ikẹkẹ okuo ivbi Igipt ghi la uwu okun, e Nọyaẹnmwa keghi hihiẹ amẹ werriegbe rre, ọ na gue iran ginna otọ.

Aizaia 44:27

I ya ukpẹmwẹ ọkpa ne I tae sii okun ka.

Aizaia 51:10

Wẹ ọ re ọ vbe sii okun ka u na zẹẹ odẹ la uwu amẹ gberra, ne avbe iran ne uwẹ gha miẹnfan sẹtin fiaẹn rra.

Jọsua 3:16

Amẹ keghi dobọ ulẹmwẹ yi, ọ na hin utete gha rrie odẹ uhunmwu ẹzẹ gban an vbe Adam ne ẹvbo ne ọ rre ọkpẹn Zarẹtan, ulẹmwẹ ẹzẹ ghe ototọ ne ọ rrie Okun Nọwu ke wa gha re ne a yan fua, emwa keghi fian ẹn rra vbe ọkpẹn Jẹriko.

Jọsua 3:17

Ẹghẹ ne iran na ye owẹ fian ẹn gberra vbe otọ ne ọ kae nii, avbe ohẹn ni mu Ẹkpẹti Ile ọghe Nọyaẹnmwa keghi mudia ye otọe ne ọ kae vbe adesẹneva Jọdan a te do miẹn wẹ emwa hia lae gberra.

Jọsua 4:21

Rẹn keghi tama ivbi Izrẹl wẹẹ, “Emọ gha nọ evbibiẹ iran ẹdẹ ne ọ dee wẹẹ vbe ena khin okuta yi?

Arhie Maan 16:12

Iyeke ọnii, odibosa ne ogiehan keghi hihiẹ ọkpan ẹnrẹn yan ẹzẹ Yufretes. Ẹzẹ nii keghi wa ka, ne avbe ọba ni ke ọlarre ovẹn dee miẹn ehe la.