Jọsua 4:14 - Edo Bible (E Baibol Ẹdo) Version 1996

¹⁴ Emwi ne Nọyaẹnmwa ru ẹdẹrriọ keghi ya ivbi Izrẹl gha rhie ọghọ ne Jọsua zẹ vbe okpọmwa. Iran kegha ya ọghọ ne ẹẹn vbe ẹdẹ agbọn rẹn hia, zẹ vbene iran vbe gha ya ọghọ ne Mosis.

Jọsua 4:14 ပူးပေါင်းရင်းမြစ်များ

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

I Krọnikol 29:25

E Nọyaẹnmwa keghi ru ẹe ne ohan e Solomọn gha mu otọe ẹvbo hia, ọ keghi ya ẹe mwẹ uyi sẹẹ avbe ọba hia ne ọ he rriọba vbe Jerusalẹm.

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Ẹksọdọs 11:3

E Nọyaẹnmwa keghi ya ivbi Igipt gha zama ivbi Izrẹl vbe ẹmwata, avbe ekhaẹmwẹ kevbe emwa nii keghi wa gha ghe Mosis gẹdẹgbẹẹ.

Ẹksọdọs 14:31

Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Itan 24:21

Gha ya ọghọ ne Nọyaẹnmwa, ovbi mwẹ, vbe gha da ne ọba. Ghẹ gu avbe emwa ni sọtẹ iran muobọ. Egbe emwa vberriọ sẹtin wa fuan vbe udomwurri.

Ebe ne Pọl gbẹẹn gie emwa Rom 13:4

Rhunmwuda ọguọmwadia Osanobua ne ọ winna ye umamwẹ ruẹn ọre nọ. Sokpan, u gha ru emwi dan, gie afianma rẹn gha fian an, rhunmwuda, ẹtin ne ọ mwẹ ne ọ ya rri ọmwa oya, ẹ i re ọghe abawẹ, ọguọmwadia Osanobua nọ, oya ọre ọ rri iran ni ru emwi dan re ne Osanobua.

I Kọrinti 10:2

A keghi sa amẹ ne iran hia vbe uwu okuku kevbe uwu okun zẹ vbe emwa ni lele Mosis khian.

Jọsua 3:7

Ẹre Nọyaẹnmwa na tama Jọsua wẹẹ, “Emwi ne I ra ru ẹrẹna gha ya ivbi Izrẹl hia ya ọghọ nuẹn zẹ vbe okpọmwa, iran ghi vbe rẹn wẹ I rrọ yaba ruẹ zẹ vbene I vbe gha rrọọ yaba e Mosis.

Jọsua 4:13

Vbene e Nọyaẹnmwa na gha ghe iran, arhunmwu arriaisẹn iyeva (40,000) ni mu egbe okuo, keghi fian ẹẹn gberra la otọe ne ọ rriẹe vbe ọkpẹn Jẹriko.

Jọsua 4:15

Ẹre Nọyaẹnmwa na tama e Jọsua wẹẹ,

I Samuẹl 12:18

Ẹre Samuẹl na na erhunmwu, vbe ẹdẹ nẹdẹrriọ zẹẹ, e Nọyaẹnmwa keghi gie amẹ kevbe avan nukhunmwu rre.