Jọsua 3:17 - Edo Bible (E Baibol Ẹdo) Version 1996

¹⁷ Ẹghẹ ne iran na ye owẹ fian ẹn gberra vbe otọ ne ọ kae nii, avbe ohẹn ni mu Ẹkpẹti Ile ọghe Nọyaẹnmwa keghi mudia ye otọe ne ọ kae vbe adesẹneva Jọdan a te do miẹn wẹ emwa hia lae gberra.

Jọsua 3:17 ပူးပေါင်းရင်းမြစ်များ

II Ọba 2:8

Elaija keghi ban agbada ẹwu ẹre, ọ na vbuẹ ọre, ọ keghi mu ẹẹn gbe amẹ, amẹ nii keghi wa egbe ye ihe eva, rẹn vbe Elaisia keghi fian ẹn rra ghe obọ nọkpa zẹ vbe otọ ne amẹ i ye.

Psalm 66:6

Ọ ye okun khian otọe ne ọ kae, avbe erha mwa odede keghi ya owẹ fian ẹzẹ rra. Ma ghọghọe ye emwi ne ọ ru vbe evba nii.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 14:22

Avbe ivbi Izrẹl keghi la okun nii gberra vbe otọe ne ọ kae vbene amẹ na yevbe egbekẹn vbe obọ eveva.

Ẹksọdọs 14:29

Sokpan ivbi Izrẹl keghi ya owẹ fian okun ne ọ ka ẹe rra vbene amẹ na yevbe egbekẹn ye iran obọ eveva.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Nọmbas 33:51

Ne ọ tama avbe ivbi Izrẹl wẹẹ, “Wa gha fian Jọdan rra gha rrie otọe Kenan,

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.

Jọsua 4:1

Emwa nii hia ghi la Jọdan gberra nẹ, e Nọyaẹnmwa keghi tama Jọsua wẹẹ,

Jọsua 4:10

Avbe ohẹn keghi mudia ye adesẹneva Jọdan a te do miẹn wẹ a ru emwi hia ne Nọyaẹnmwa tama e Jọsua wẹ ne ọ tama iran ne iran ru. Erriọ e Mosis tae. Emwa nii ke zẹgiẹgiẹ fian e Jọdan rra.

Jọsua 4:11

Ugbẹn vbe iran ghi fian ẹẹn rra nẹ, Ẹkpẹti Ile Nọyaẹnmwa kevbe avbe ohẹn keghi ke odaro ne emwa nii.

Jọsua 4:22

Wa ghi ma iran ẹre wẹ te ivbi Izrẹl ya owẹ fian ẹzẹ Jọdan rra vbe otọ ne ọ kae.

Jọsua 4:3

u ghi tama iran wẹẹ wa viọ okuta iweva ke adesẹneva Jọdan ladian, vbe ehe ne avbe ohẹn mudia yi dandaandan, wa viọ iran mwẹ obọ gha khian, ne uwa viọ iran ye otọ vbe ehe ne uwa gha bu agọ yi asọn nẹrẹ.”

Jọsua 5:1

Avbe ọba Amọri hia ni rre ọlarrie owẹn Jọdan kevbe avbe ọba Kenan ni lele ọkpẹn Okun Meditẹrrenian hia keghi họn wẹ te Nọyaẹnmwa si amẹ Jọdan ka ne ivbi Izrẹl la gberra. Ohan keghi mu iran, egbe na wọ iran rhunmwuda ivbi Izrẹl.