Jọsua 24:8 - Edo Bible (E Baibol Ẹdo) Version 1996

⁸ Ẹre I na viọ uwa gha die otọ iran ne emwa Amọri ni rre odẹ ahọ ọghe Jọdan. Iran gu uwa gbinna, I keghi gie uwa khọnmiotọ vbe uhunmwu iran. Wa keghi mu otọ iran, mẹ na fuẹn iran zẹ vbene uwa ya khian ghe odaro.

Jọsua 24:8 ပူးပေါင်းရင်းမြစ်များ

Nehimaia 9:22

“U rhie ẹtin ne iran yan avbe otọ kevbe arriọba, avbe otọ ne iran gba mwa uwu iran khọn mu otọe e Hesbọn, ehe ne Saihọn na khaemwisẹ kevbe otọ Basian. Ehe ne Ọg na re ọba.

Ẹksọdọs 23:23

Odibosa mwẹ gha ke odaro ne uwa, ọ ghi viọ uwa gha rrie otọ iran ne emwa Amọri, Hiti, Pẹriz, Kenan, Hivi kevbe Jebus, I ghi vbe fuẹn iran an.

Emọs 2:10

I viọ uwa ke Igipt ladian, I na su uwa la ato gberra vbe ukpo iyeva, I na mu otọ ivbi Amọri ne uwa, ne ọ gha re ọwua.

Emọs 2:9

“Vberriọ, rhunmwuda uwa, wa ne emwa mwẹ, ọ re I na fuẹn iran an fẹẹrẹ ighẹ ivbi Amọri, emwa ni zogọ zẹ vbe erhan isida, iran keghi vbe wegbe zẹ vbe okan.

Diuteronomi 2:32

E Sihọn keghi viọ emwa rẹn ladian bu ima gha dee ne iran do gu ima gbinna vbe ọkpẹn Jahaz.

Jọsua 13:10

Otọe hia ne Saihọn ne ọba emwa Amọri kha yan (ọmwa ne ọ gha rre Hesbọn) rhinrin ya sẹ ehe ne otọe Amọri sẹe, keghi rre uwu ẹre.