Jọsua 24:7 - Edo Bible (E Baibol Ẹdo) Version 1996

⁷ Iran ghi ye ekhọe hia na erhunmwu ghe mwẹ, I keghi mu ebiebi ye ẹkpo iran kevbe ivbi Igipt. I keghi gie okun lẹ yan ivbi Igipt, ọ na rhu iran ginna otọe. Wa miẹn emwi ne I ru Igipt re, “Wa kevbe di uwu ato ya la ẹghẹ ne ọ taẹn.

Jọsua 24:7 ပူးပေါင်းရင်းမြစ်များ

Ẹksọdọs 14:10

Ugbẹn vbe ọba Igipt ghi khian sikẹ iran, ivbi Izrẹl keghi miẹn wẹ ivbi Igipt mu okuo bu iran dee. Ohan keghi mu iran, iran na datie Nọyaẹnmwa.

Ẹksọdọs 14:20

Ọ keghi mudia ye ẹkpo ivbiyokuo Izrẹl kevbe ivbiyokuo Igipt. Okuku keghi gie ebiebi so yan ivbi Igipt, sokpan, ọ keghi rhie uwanmwẹ ne ivbi Izrẹl, rhunmwuda ọnii, avbe iyokuo nii ma sẹtin sikẹ egbe vbe asọn nii hia.

Ẹksọdọs 14:31

Ivbi Izrẹl ghi miẹn obọ ẹtin nọkhua ne Nọyaẹnmwa ya mu ivbi Igipt, iran kegha mu ohẹn e Nọyaẹnmwa, iran na mu ẹtin yan e Nọyaẹnmwa, rẹn kevbe Mosis ne ọguọmwadia ẹre.

Diuteronomi 1:46

“Ọnii ọ siẹe ne ima na mudia kpẹe sẹrriọ vbe Kedẹs.

Diuteronomi 2:14

Ke ẹghẹ ne ima ya kpao vbe Kedẹs Bania rre yasẹ ne ima ya fian Zẹrẹd rra, ke gha re ukpo eva irrọvbiyeva. Emwa ni sẹtin yo okuo vbe orre nii hia wulo fo nẹ zẹ vbe ne Nọyaẹnmwa ta ẹe wẹ iran gha wulo.

Diuteronomi 29:2

E Mosis keghi tie ivbi Izrẹl hia si koko, ọ na tama iran wẹẹ, “Aro uwa tobọ uwa sẹ emwi ne Nọyaẹnmwa ru ọba Igipt re, avbe ekhaẹmwẹ ẹvbo ẹre, kevbe ẹvbo ẹre hia.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Hibru 3:17

De emwa ne Osanobua ya ukpo iyeva mu ohu ghe yi? Ọ mu ohu iran ni ru orukhọ, ne iran na vbe dele wu vbe uwu ato.

Jọsua 5:6

Ukpo iyeva ọre ivbi Izrẹl ya gha fian ato rra. Vbe ẹghẹ na, avbe ikpia ni sẹe ni yo okuo, ni kpao vbe Igipt rre, wulo nẹ rhunmwuda, iran ma họn ẹmwẹ e Nọyaẹnmwa. Ọ keghi tama iran wẹ rẹn i gie iran sẹ otọe esiesi ne ọ maa emwiokọ nii ne irẹn ve avbe erha iran odede re wẹ rẹn gha mu ne ima.