Jọsua 24:6 - Edo Bible (E Baibol Ẹdo) Version 1996

⁶ I viọ avbe erha uwa ke Igipt ladian, iran keghi do sẹ Okun Iranmwiran. Ivbi Igipt keghi ya ikẹkẹ okuo kevbe ẹsin iran ni gua ẹe khulo iran ya sẹ Okun.

Jọsua 24:6 ပူးပေါင်းရင်းမြစ်များ

Nehimaia 9:11

U zẹ odẹ ye adesẹ okun ne emwa ruẹn. U na viọ iran la otọe ne ọ kae gha khian. Iran ni khulo iran khian ke wulo ye uwu amẹ, vbene okuta ye vbe okun ne Ọ gbinna.

Psalm 78:13

Ọ wa okun ye ihe eva, ọ na viọ iran la ẹe gberra, ọ keghi ru ẹe ne amẹ mudia, zẹvbe egbekẹn.

Ẹksọdọs 12:37

Ivbi Izrẹl keghi kpao vbe Ramesis rre, iran na mu aro da Sukọt. Ikpia nii ya owẹ khian kegha re arriaisẹn uri eha (600,000), vbe ne a i na ke ikhuo kevbe ibiẹka.

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

Hibru 11:29

Iyayi ọre ivbi Izrẹl ya fian Okun Ne ọ baa rraa, vbene a miẹn wẹ otọ, ne ọ kae ọre nọ. Ivbi Igipt ghi te ra vbe ru vberriọ, amẹ keghi minọ iran re.