Jọsua 24:25 - Edo Bible (E Baibol Ẹdo) Version 1996

²⁵ Ẹre Jọsua ghi na yan ile ne emwa nii ẹdẹ nẹdẹrriọ, ọ na viọ uhi kevbe ilele ne iran vbe Siẹkẹm.

Jọsua 24:25 ပူးပေါင်းရင်းမြစ်များ

Gẹnẹsis 35:4

Ẹre iran na do viọ ẹbọ ẹrrẹe ne iran mwẹ hia ne Jekọb, deba emwiehọ ne iran te lo, ọ keghi tọnnọ iran ye ototọ erhan okan ne ọ rre Siẹkẹm.

II Ọba 11:17

E Jehoiada ne ohẹn keghi ru ẹe ne Joas ne ọba kevbe emwa nii, gba rhie obọ ye ebe ne Nọyaẹnmwa wẹ, emwa e Nọyaẹnmwa iran ra gha khin, ọ kevbe ru ẹe ne ọba vbe emwa nii gba rhie obọ ye ebe.

II Krọnikol 15:12

Iran keghi yan ile wẹ iran miẹnkue yọ ne iran gha ga e Nọyaẹnmwa ne Osanobua avbe erha iran odede, vbe ekhọe iran hia kevbe orhiọn iran hia.

II Krọnikol 15:15

Ọyẹnmwẹ kegha sẹ ivbi e Juda hia rhunmwuda ekhọe iran hia iran ya yan ile na. Ugamwẹ e Nọyaẹnmwa kegha rhiẹnrhiẹn iran, rẹn kevbe rhan obọ miẹn iran, ọ na rhie ọfumwegbe ne iran vbe odẹ hia.

II Krọnikol 23:16

E Jehoiada ne ohẹn keghi rhie ọba Joas ba egbe kevbe avbe emwa nii, iran na ru eyan wẹ iran ghaa re emwa e Nọyaẹnmwa.

II Krọnikol 29:10

“Te imẹ ghi tae nian wẹ I ra gu e Nọyaẹnmwa ne Osanobua Izrẹl ta ile ne ọ ghe ghi mu ohu ghe ima ọvbehe.

Nehimaia 9:38

Rhunmwuda avbe emwi na ni sunu hia, ma ne ivbi Izrẹl rhie obọ ye ebe nian vbe iro ne a zẹ gba, a keghi gbẹn ọẹn ye otọ, avbe ọkaolotu ima avbe Livai kevbe avbe ohẹn ima, keghi yi ẹre okhi.

Ẹksọdọs 15:25

E Mosis keghi kakabọ na erhunmwu ghe Nọyaẹnmwa; e Nọyaẹnmwa keghi ma ẹre ike erhan ọkpa, e Mosis muẹn fi uwu amẹ nii, amẹ nii na do khian nọ gie a gha wọn. Evba nii i ọre Nọyaẹnmwa ghi na gbe uhi ne iran, ọ kevbe danmwẹ iran ghe.

Ẹksọdọs 24:3

E Mosis keghi ya gu emwa nii guan vbene Nọyaẹnmwa kha hẹ kevbe iyi ne ọ vbe yi. Emwa nii hia keghi koko wanniẹn wẹẹ, “Ma gha ru emwikemwi ne Nọyaẹnmwa kha re.”

Diuteronomi 29:1

Enena ọrọre, ẹmwẹ ne a guan ye ile ne Nọyaẹnmwa tama Mosis ne ọ gu ivbi Izrẹl ta vbe ẹghẹ ne iran na gha rre otọe Moab. Te avbe rhie ọna te ile ne Nọyaẹnmwa iran ta vbe Oke Sainai.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

Jọsua 24:26

E Jọsua keghi gbẹnnẹ uhi na ye ebe uhi ọghe Nọyaẹnmwa. Ọ keghi mu okuta nọkhua, ọ na muẹn yotọ vbe evba vbe ototọ okan vbe ehe Ne ọ huanrẹn ọghe Nọyaẹnmwa,