Jọsua 24:12 - Edo Bible (E Baibol Ẹdo) Version 1996

¹² I kevbe gie ugborrirri mwẹ ke odaro ne uwa ne ọ ya khulo avbe ọba Amọri eva ladian vbe odaro uwa. Ẹ i zẹdẹ re umozo kevbe ifẹnmwẹ uwa ọ re ọ ru ẹe.

Jọsua 24:12 ပူးပေါင်းရင်းမြစ်များ

Psalm 135:11

E Saihọn ne ọba ivbi Amọri, kevbe Ọg ọba ivbi Basian, kevbe avbe ọba ni rre Kenan hia.

Psalm 80:10

Ọ ya irhu ẹre gue avbe oke avbe abọ ẹre keghi gbe irhu gue avbe erhan isida nekhua.

Psalm 80:9

U gbẹn irunmwu hin ehe ne ọ gha na wan rre nẹ, inian rẹn kakabọ la uwu otọ, ọ keghi wa obọ gba otọe nii hia.

Ẹksọdọs 23:28

I gha gie ugborrirri mwẹ ke odaro uwa ne ọ ya khulo avbe Hivi, emwa Kenan kevbe Hiti hin odaro uwa rre.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Nọmbas 21:31

Ẹre ivbi Izrẹl na yin otọe ivbi Amọri.

Nọmbas 21:32

E Mosis keghi gie emwa ne iran ya ghe vbene iran gha ya gu ẹvbo Jazẹ gbinna hẹ. Ivbi Izrẹl keghi khọn rẹn mu otọ ke ẹe kevbe ẹvbo ni lẹga ẹre. Iran keghi khulo emwa Amọri ni rre evba kua.

Diuteronomi 31:4

E Nọyaẹnmwa gha fuẹn iran na hia a, zẹ vbene ọ khọnmiotọ ọghe Saihọn kevbe Ọg avbe ọba ivbi Amọri, ọ kevbe fuẹn iran ẹvbo rua.

Diuteronomi 4:47

Iran keghi yin otọe ẹre kevbe ọghe Ọg ne ọba Basian. Iran na ọrọre avbe ọba Amọri ni rre odẹ ahọ e Jọdan.

Diuteronomi 7:20

Ọ gha vbe gie ohan bu iran ne ọ ya fuẹn iran ni lẹ fua ya lẹre ye ẹkhokho.

Jọsua 2:10

Ma họn vbene Nọyaẹnmwa ka okun Nọ Baa hẹ vbe odaro uwa vbe uwa kpa hin Igipt rre. Ma họn ẹn vbe ne uwa gbele avbe ọba eva ọghe Amọri, Saihọn kevbe Ọg, vbe odẹ ahọ ọghe Jọdan, ke ẹe kevbe ivbiyokuo iran.