Jọsua 24:11 - Edo Bible (E Baibol Ẹdo) Version 1996

¹¹ Wa keghi fian Jọdan rra gha die Jẹriko. Ivbi e Jẹriko kegha gu uwa gbinna vbene emwa Amọri, Pẹriz, Hiti, Gẹgas, Hivi kevbe Jebus vbe ru. I keghi rhie akhọnmiotọ ne uwa vbe uhunmwu iran.

Jọsua 24:11 ပူးပေါင်းရင်းမြစ်များ

Gẹnẹsis 15:19

Deba otọe avbe Ken, Keniz, Kadomi,

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Psalm 114:3

Okun ne Nọbaa miẹn ọẹn, ọ keghi lẹfua, Ẹzẹ Jọdan keghi da obọ ulẹmwẹ yi.

Psalm 114:5

Vbọkhin yi, Okun ne u na lẹ fua? Kevbe uwẹ Jọdan, ne u na dobọ ulẹmwẹ yi?

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Ẹksọdọs 23:23

Odibosa mwẹ gha ke odaro ne uwa, ọ ghi viọ uwa gha rrie otọ iran ne emwa Amọri, Hiti, Pẹriz, Kenan, Hivi kevbe Jebus, I ghi vbe fuẹn iran an.

Ẹksọdọs 23:28

I gha gie ugborrirri mwẹ ke odaro uwa ne ọ ya khulo avbe Hivi, emwa Kenan kevbe Hiti hin odaro uwa rre.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Ẹksọdọs 3:17

Ọre I na kha nian wẹ te I gha viọ uwa ke otọ Igipt ladian, ehe ne iran na ru uwa khọ, ne uwa gha rrie otọ emwa Kenan, emwa Hiti, emwa Amọri, emwa Pẹriz, emwa Hivi kevbe emwa Jebus, otọ ne esiesi ne ọ vbe maa emwiokọ nọ.” ’

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Ẹksọdọs 33:2

I gha gie odibosa ke odaro uwa, I gha khulo ivbi e Kenan, kevbe Hiti, e Pẹriz, e Hivi kevbe Jebus ladian.

Iwinna 13:19

Ọ keghi fuẹn okpẹvbo ihinrọn ruan vbe otọ Kenan, ọ na ya iran ne emwa irẹn khian ni yan otọ nii.

Iwinna 7:45

Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid.

Diuteronomi 7:1

“E Nọyaẹnmwa ne Osanobua uwa gha viọ uwa sẹ otọ ne uwa ra ya yin nii. Ọ gha vbe khulo avbe okpẹvbo nibun ladian vbọ. Wa gha khian ni, ọ ghi khulo okpẹvbo ihinrọn ni kọnkọn sẹ kevbe ni vbe mwẹ ẹtin sẹ uwa ladian vbe evba, avbe Hiti, Gigasi, Amọri, e Kenan, e Pẹriz, e Hivi kevbe Jebus.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.

Jọsua 4:1

Emwa nii hia ghi la Jọdan gberra nẹ, e Nọyaẹnmwa keghi tama Jọsua wẹẹ,

Jọsua 4:19

Ikpẹdẹ ne ogigbe vbe uki ne ogienẹ, ne ọ re uki ne okaro, ọre emwa ni na fian Jọdan rra, iran keghi gbe agọ ye Gilgal vbe olarre owẹn Jẹriko.

Jọsua 4:23

“E Nọyaẹnmwa Osanobua uwa keghi si amẹ Jọdan ka ne uwa rhinrin wa te do fian ẹẹn rra, zẹ vbene ọ vbe si amẹ Okun Nọ Baa ka ne ima vbe ima te fian ẹẹn rra.

Jọsua 9:2

Iran keghi kugbe ne iran do gu e Jọsua kevbe ivbi Izrẹl gbinna.