Jọsua 23:7 - Edo Bible (E Baibol Ẹdo) Version 1996

⁷ Ne uwa ghẹ ya gha gu emwa na ne a sẹrae ye uwu ẹbu uwa mu obọ, ra ne uwa gha ya unu kan eni ẹbọ iran, ra ne uwa gha ya eni iran yan eyan, ra ne uwa gha gho iran ra ne uwa gha ye uhunmwu rhanmwẹ otọ ne iran.

Jọsua 23:7 ပူးပေါင်းရင်းမြစ်များ

II Ọba 17:12

iran ma vbe họn ẹmwẹ ne Nọyaẹnmwa khare wẹ ne iran ghẹ ga ẹbọ.

II Ọba 5:18

Erriọ ọ re I vbe yayi wẹ e Nọyaẹnmwa gha yabọ mwẹ vbe I gha lele ọba mwẹ gha rrie aro e Rimọn ne ẹbọ e Siria ya gae. Vbe ne a i na gba a awẹawẹ, e Nọyaẹnmwa gha yabọ mwẹ.”

II Krọnikol 7:19

Sokpan adeghẹ a na miẹn vbe ẹghẹ ke ẹghẹ wẹ, wẹ vbe emwa ruẹn rra uhi mwẹ kevbe iyi mwẹ ne I yi ma uwa, wa na ya gha ga ẹbọ ọvbehe.

Psalm 16:4

Ọlọghọmwa nibun, ọ re iran si ye egbe iran egbe ighe iran ni khirhi lele ẹbọ khian. Mẹ ira ga ẹbọ iran.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 23:33

Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Itan 4:14

Ghẹ yo ehe ne avbe emwa dan yo. Ghẹ ya egbe ta emwa dan.

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 5:7

E Nọyaẹnmwa keghi nọọn wẹẹ, “Vbọzẹ ne I gha na ya orukhọ emwa mwẹ bọ iran yi. Iran hee mwẹ yotọ nẹ, iran keghi ya gha ga ẹbọ ne ẹ i re emwirhọkpa. I kokoo emwa mwẹ ne ẹko vuọn iran. Sokpan, iran keghi ya gha ru ọghe, iran vbe igberagia keghi gba gha mu yọ mu hin.

Hozia 2:17

Mẹ i ghi ra gie ẹe dọlegbe ye so unu ye eni e Baal ọvbehe.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Nọmbas 32:38

Nebo, Bal Miọn (te a fi eni na werriẹ) kevbe Sibma. Iran munọ eni ughughan ne ẹvbo ne iran dọlegbe bọlọ.

Nọmbas 33:55

Sokpan, a deghẹ wa ma khulo emwa ni rre otọe nii ladian, iran ni kẹe rre vbọ, te iran ra gha ye vbe iku dan vbe aro uwa, kevbe igban vbe efẹn uwa, iran gha vbe guwa gbinna.

I Kọrinti 15:33

Wa ghẹ gie emwa do uwa ọzuọ. “Otu dan ọre ọ mu uyinmwẹ esi rhia.”

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Diuteronomi 6:14

Wa ghẹ ga ẹbọ ọvbehe, wa ghẹ ga ẹbọ avbe iran ni lẹga uwa.

Jọsua 23:12

A deghẹ wa ghi werriegbe wa na ya ke egbe uwa ba avbe ẹvbo nii ne a sẹrae ye uwu ẹbu uwa, wa na ya gha rọnmwẹ egbe.

Jọsua 23:8

Wa rhie ekhọe lele e Nọyaẹnmwa zẹ vbene uwa ru do sẹ ẹdẹnẹrẹ na.