Jọsua 23:2 - Edo Bible (E Baibol Ẹdo) Version 1996

² Ọ keghi tie ivbi Izrẹl hia, avbe ediọn, avbe ọkaolotu, iran ni bu ohiẹn kevbe avbe ekamakodin emwa nii, ọ keghi kha wẹẹ, “Te I ghi khian ọmaẹn ghẹghẹghẹ nian.

Jọsua 23:2 ပူးပေါင်းရင်းမြစ်များ

I Ọba 1:1

Te Devid ne ọba ghi khian ọmaẹn ẹsẹse, egbe ẹre i ghi sẹtin mwẹ ọghae, a gha rhe wẹ te a ya ye ukpọn ni mwẹ imi hin ẹnrẹn egbe.

I Ọba 8:1

E Solomọn ne ọba keghi gie ne a tie avbe ọkaolotu Izrẹl, ọka ẹgbẹe avbe uniẹn kevbe ẹwae, ne iran bu irẹn gha die Jerusalẹm, ne iran do ya mu Ẹkpẹti Ile e Nọyaẹnmwa ke Zaiọn ne ẹvbo e Devid gha die Ọgua Osa.

I Krọnikol 23:2

E Devid keghi si avbe ekaolotu ivbi Izrẹl hia kevbe avbe ohẹn kevbe avbe Livai koko.

I Krọnikol 28:1

E Devid ne ọba keghi wẹ ne avbe iran ni rre asẹ vbe otọ Izrẹl hia gha die Jerusalẹm. Rhunmwuda ọnii, iran ni rre asẹ vbe dọmwadẹ ẹwae, iran ni rre asẹ ni gbearoghe iwinna otọ arriọba nii, avbe ọkaolotu uniẹn, iran ni gbearoghe emwi ne ọba mwẹ kevbe emwirri ẹre kevbe avbe ivbi ẹre, ne a wa kha wẹ iran ni rre asẹ vbe ẹguae hia, avbe ivbiyokuo ni hin usi kevbe emwa kpataki hia na si koko vbe Jerusalẹm.

Diuteronomi 31:28

Si avbe ọkaolotu kevbe ekamakodin ni rre avbe ẹwae rua koko ye odaro mwẹ, ne I miẹn ehe na ta avbe ẹmwẹ na ma iran. I gha tie ẹrinmwi kevbe agbọn ne iran do sẹ osẹe ghe iran.

Jọsua 13:1

E Jọsua keghi wa khian ọmaẹn ẹsẹse, e Nọyaẹnmwa keghi tama rẹn wẹẹ, “U khian ọmaẹn nẹ ẹsẹse, sokpan avbe ẹvbo ne a ra ye khọn wa ye bun.

Jọsua 23:3

Aro uwa sẹ emwi ne e Nọyaẹnmwa Osanobua rua ru avbe agbọn ẹvbo na hia re rhunmwuda uwa. Te e Nọyaẹnmwa Osanobua uwa gha gbinna ne uwa.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

I Samuẹl 12:2

Banbanna nian, rẹn rre emwa ne ọ gha viọ uwa khian. Mẹ nian, I khian ọmaẹn nẹ, I vbe fu edẹ. Ivbi mwẹ vbe gu uwa rrọ. Mẹ ọ re ọ gha re ọkaolotu uwa ke ẹghẹ ọvbokhan kpao do sẹ wanwan na.