Jọsua 23:14 - Edo Bible (E Baibol Ẹdo) Version 1996

¹⁴ “Banbanna nian, te imẹ ghi ra wu, dọmwadẹ ọghọe vbe uwu uwa rẹnrẹn vbe uwu ekhọe kevbe orhiọn rẹn wẹ e Nọyaẹnmwa Osanobua uwa viọ emwi esi hia ne a ve uwa re ne uwa nẹ. Emwi hia ne ọ yanrẹn, a ru iran nẹ, ọkpa ne ọ fira vbe uwu eyan nii, ẹ i rrọọ.

Jọsua 23:14 ပူးပေါင်းရင်းမြစ်များ

Gẹnẹsis 47:29

Ọ ghi bu ẹghẹ ne Izrẹl gha ya wu, ọ keghi tie Josẹf ne ovbi ẹre, ọ tama rẹn wẹẹ, “Lahọ, do viọ obọ ruẹ yọ mwẹ akharha ne u yan ma mwẹ wẹ, u gha ya ẹkoata gha ru emwi ne ọ maa ghe mwẹ, wẹ u i ra mu mwẹ yotọ vbe Igipt.

I Ọba 2:2

“Ẹdẹ uwu mwẹ rre nẹ. Din, ne u gie ekhọe ruẹ vbe sẹ otọ,

I Ọba 8:56

“Rho e Nọyaẹnmwa, ọmwa ne ọ rhie ọfumwegbe ne emwa rẹn, zẹ vbene ọ khare zẹ wẹ rẹn gha ru ẹe. Emwi ọrhẹnrhẹn ne ọ la unu e Mosis ne ọguọmwadia ẹre ve, ọ gele wa ru ehia fẹẹrẹ.

Job 30:23

I rẹnrẹn ighẹ uwu ọ re u rhie mwẹ rrie na, ẹmwẹ agbọn ne a mwamwa khẹ emwa hia.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Asan-Ibo 12:5

Ohan ehe ni yo hia ghi gha mu ẹẹn, owẹ ne a ya khian ghi do zẹ ẹbe nuẹn. Eto ruẹ ghi do khian nọfua. Vbe u ghi te do zẹ owẹ, ọ ghi ba kua, iro hia ghi wii. Ehe ikẹtin okiekie mwa ọ re ima ghi rrie na, akhiẹ ghi do gha rre idunmwu nii.

Asan-Ibo 9:10

Mu aro ye iwinna ne u a rhirhi a gha winna rhunmwuda, a gha rrie a i wua nẹ, a i ghi ru emwi rhọkpa, iro i ghi rrọ, irẹnmwi i ghi rrọ, ẹwaẹn i ghi rrọ, ehe ne uwẹ rrie ọ re onii khin.

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Iyẹn ne ọ Maan Ọghe Luk 21:33

Ẹrinmwi kevbe agbọn gha gberra sokpan ẹmwẹ mwẹ i ra gberra.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

I Samuẹl 3:19

E Samuẹl keghi do wan, e Nọyaẹnmwa kegha rrọọ yaba ẹre, ọ na gie ẹmwẹ hia ne Samuẹl ta ẹe gha sẹ.