Jọsua 23:13 - Edo Bible (E Baibol Ẹdo) Version 1996

¹³ Wa ghi wa rẹn wẹ e Nọyaẹnmwa Osanobua uwa i ghi ra khulo avbe agbọn ẹvbo nii hin ehe ne uwa ye rre. Sokpan iran zẹ ẹbe ne uwa zẹ vbe ifi ra uye, ọ ghi vbe gha balọ zẹ vbe asan vbe ẹkpiyeke ra igban vbe uwu aro uwa. Erriọ ọ re ọ khian gha ye khian a te miẹn wẹ wa lahin otọe esiesi na ne Nọyaẹnmwa Osanobua uwa mu ne uwa.

Jọsua 23:13 ပူးပေါင်းရင်းမြစ်များ

I Ọba 11:4

ọ ghi khian ọmaẹn nẹ, iran keghi si ẹe la ẹbọ ẹrrẹ ne a gho, ọ ma ghi ye ekhọe lele Nọyaẹnmwa Osanobua ẹre zẹ vbene Devid ne erha ẹe gha ye.

II Ọba 17:18

Ohu ivbi Izrẹl keghi mu e Nọyaẹnmwa, ọre ọ na khulo iran hin odaro irẹn rre, ọ na sẹ arriọba e Juda ọkpa rae.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

II Ọba 25:21

Vbe otọe Hamat. Evba ọba na wẹ ne a viọ ivbi e Juda hin ẹvbo iran rre gha rrie iwe.

II Ọba 25:26

Ẹre ivbi Izrẹl kevbe ni fe kevbe ivbiogue, deba avbe ekaokuo, na kpao, iran na gha rrie Igipt, rhunmwuda afianma ivbi e Babilọn kegha fian iran.

Psalm 69:22

Te evbare eghọ iran, gha gbe iran okọ ye ẹzẹ, te evbare iruẹmwi ne iran le gha mu iran gbotọ.

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 23:33

Iran i ra de uwa ẹvbo ya ne iran ghẹ ya ye uwa ru khọ ghe mwẹ. A deghẹ wa ga ẹbọ iran evba ọre ọfuan uwa la dee.

Ẹksọdọs 34:12

Gie a miẹn wẹ u ma gu emwa ẹvbo ni rre ehe ne u rrie ru emwamwa kugbe rhunmwuda ọna sẹtin gbe uẹ uhunmwu.

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Ezikiẹl 28:24

E Nọyaẹnmwa keghi kha wẹẹ, “Avbe ẹvbo ni lẹga Izrẹl, ọkpa ne ọ gha ye dọlegbe yevbe ogigban kevbe ọkọsọ ne ọ gha kuan Izrẹl egbe i ghi rrọ. Iran gha vbe rẹn wẹ mẹ ọrọre Nọyaẹnmwa ne Oghodua.”

Nọmbas 33:55

Sokpan, a deghẹ wa ma khulo emwa ni rre otọe nii ladian, iran ni kẹe rre vbọ, te iran ra gha ye vbe iku dan vbe aro uwa, kevbe igban vbe efẹn uwa, iran gha vbe guwa gbinna.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 29:28

Ohu keghi kakabọ mu e Nọyaẹnmwa, vbe uwu ohu ẹre nii, ọ keghi kpọlọ iran hin otọe iran rre, ọ na filo iran ku ẹvbo ẹrrẹe, evba iran ghi ye ẹrẹna.’

Diuteronomi 30:18

Te I ta ẹe ma uwa ye otọ nian wẹ te uwa khian fuan. Wa i tọ vbe otọe nii ne ọ rre iyeke Jọdan ne uwa ra ya yin na.

Diuteronomi 4:26

Wa gha ru emwi na, I tie ẹrinmwi kevbe agbọn vbe osẹe ẹre na, wẹ wa gha rherhe gbẹro vbe otọ na. Wa i khian tọ vbe otọe ne ọ rre vbe a gha fian Jọdan rra ne uwa ra ya yin na. Te a ra wa fuẹn uwa fo fẹẹrẹ.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

II Timoti 2:26

Ẹghẹ nii aro ghi do hian iran, iran ghi lẹfe vbe obọ ifi ne Esu rhuẹre, ọmwa ne ọ te ka mu iran yi ọ na ya iran gha ru enegbe ẹre.

Giọgis 2:21

Rhunmwuda ne iran ma na họn ẹmwẹ mẹ, I i ghi khu avbe okpẹvbo ne Jọsua sẹrae ye otọe nii vbe ọ wu.