Jọsua 22:9 - Edo Bible (E Baibol Ẹdo) Version 1996

⁹ Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.

Jọsua 22:9 ပူးပေါင်းရင်းမြစ်များ

II Samuẹl 2:9

Ọ keghi ma ẹre ọba ọghe otọ Giliad, Asia, Jezrẹl, Ifreim kevbe Bẹnjamin, ne a wa kha wẹ, ọghe otọ Izrẹl hia.

I Krọnikol 5:9

Iran kegha mwẹ oghẹn ohuan ni bun vbe otọe Giliad, rhunmwuda ọnii, iran keghi wa mu otọe nii vbe odẹ ahọ vbọ sẹ ato ne ọ wa ya vbẹ sẹ Ẹzẹ Yufretes.

Psalm 60:7

Ọghomwẹ ọre Giliad khin, kevbe Manasẹ ba ẹre. Ifreim ọrọre ẹrhu mwẹ, e Juda ọrọre ọkpọ ọba mwẹ.

Nọmbas 32:1

Ẹwae ọghe Riubẹn kevbe Gad keghi wa gha mwẹ ẹmila ni bun ẹsẹse. Ugbẹn vbe iran ghi miẹn vbene otọe Jazẹ kevbe Giliad maa ne avbe ẹmila hẹ,

Nọmbas 32:20

E Mosis keghi wanniẹn wẹẹ, “A deghẹ te uwa mu ẹmwẹ ne uwa tae na sẹ, wa wa mu egbe nian vbe odaro e Nọyaẹnmwa ne uwa gha rrie okuo.

Nọmbas 32:22

Ne uwa mu otọe nii ya khian ọwua, iyeke ọnii, wa sẹtin werriegbe gha dee rhunmwuda wa ru e nọ kan e Nọyaẹnmwa ke emwa Izrẹl ne ihua uwa nẹ. Ẹghẹ nii Nọyaẹnmwa gha ya obọ yọ wẹ otọe na vbe odẹ ahọ ọghe Jọdan, ọwua nọ.

Nọmbas 32:26

Avbe amwẹ ima kevbe ivbi ima, kevbe ẹmila kevbe ohuan gha mudia vbe avbe ẹvbo Giliad.

Nọmbas 32:29

“A deghẹ emwa Gad kevbe Riubẹn fian Jọdan rra, vbe ne iran na mu egbe ne iran ya khọn vbe okuo nii ne Nọyaẹnmwa na re ọkaokuo, a na ghi vbe miẹn wẹ vbe ekpa iyobọ iran ọre uwa na sẹtin khọn miẹn otọe nii, wa ghi mu otọ Giliad ne iran ne ọ gha re ọghe iran.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 3:20

Wa ru iyobọ ne ivbi Izrẹl ne ihua uwa, iran te do gbe ẹkun sẹ otọ vbe avbe otọe nii ne Nọyaẹnmwa gha mu ne iran vbe odẹ orrie Jọdan, kevbe wẹ e Nọyaẹnmwa te do gie iran gha rre ọfumwegbe zẹ vbene ọ vbe ru ne uwa. Iyeke onii dọmwadẹ ọghọe vbe uwu uwa sẹtin dọlegbe gha die otọ ne I mu ne uwa.’

Diuteronomi 34:1

E Mosis keghi ke otọe ne ọ rriẹe ọghe Moab gha rrie oke Nebo vbe uhunmwu Oke Pisga vbe odẹ ọghe Jẹriko, evba e Nọyaẹnmwa na rhie otọe Kenan hia ma rẹn: otọe Giliad rhinrin ya sẹ Dan vbe odẹ okun.

Jọsua 13:11

E Giliad keghi vbe rrọ deba iwewe ne emwa Gẹsiọ kevbe emwa Makati ye, Oke Hẹmọn hia, deba Basian hia ya sẹ Saleka.

Jọsua 13:25

Otọe iran keghi re Jaza kevbe okpẹvbo ni rre Giliad hia, obọkpa vbe otọe emwa Amọn ya sẹ Aroẹ ne ọ rre odẹ ahọ ọghe Raba.

Jọsua 13:31

Obọ ọkpa vbe Giliad kevbe rrọọ, do deba Astarrọt kevbe Ẹdrẹi, avbe okpẹvbo ni rre arriọba Ọg vbe Basian. A keghi viọ ena ne obọ ọkpa vbe ẹgbẹe ivbi e Makeẹ ne ovbi Manasẹ.

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Giọgis 20:1

Ivbi Izrẹl hia fẹẹrẹ, ke Dan vbe odẹ okuọ ya sẹ Biẹsiẹba vbe odẹ ekẹn kevbe otọ Giliad vbe odẹ ahọ, ehia keghi khuẹnniẹn utiemwẹ na. Iran keghi wa si koko ye odaro e Nọyaẹnmwa vbe Mispa.

Giọgis 5:17

Ẹwae Dan keghi mudia ye oha erria. Ẹwae Asia keghi mudia vbe eghute okun, iran mudia lele ọkpẹn okun.