Jọsua 22:31 - Edo Bible (E Baibol Ẹdo) Version 1996

³¹ E Finihaz ne ovbi Eliaza ne ohẹn keghi tama iran wẹẹ, “Banbanna nian, ma rẹnrẹn wẹ, e Nọyaẹnmwa gu ima rrọọ, rhunmwuda, wa ma sọtẹ ghe e Nọyaẹnmwa, wa kevbe fannọ ivbi Izrẹl hin obọ irrioya ọghe Nọyaẹnmwa rre.”

Jọsua 22:31 ပူးပေါင်းရင်းမြစ်များ

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

Ẹzra 7:5

ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Psalm 68:17

E Nọyaẹnmwa tuorre ke Sainai gha dee ke irẹn kevbe ikẹkẹ okuo nekhua arriaisẹn inu ne ọ khin gha rrie uwu ehe ne ọ huanrẹn ọghọe.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Aizaia 12:6

Wa gie emwa ni rre Zaiọn hia gha wee ne iran gha so ihuan Osanobua nọhuanrẹn ọghe Izrẹl wa kpolo ehe ne emwa rẹn ye ọ re irẹn vbe ye.”

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

I Kọrinti 14:25

Iro ẹkhokho ne ọ zẹ vbe ekhọe ghi khian ne a rhie ladian azagba, ọ ghi vbẹ rre ye uhunmwu rhanmwẹ otọ ne Osanobua, ọ ghi miẹnkue wẹ, “Vbe ẹmwata, Osanobua gu uwa rre emwa na.”

Jọsua 22:30

E Finihaz ne ohẹn kevbe avbe ekhaẹmwẹ emwa nii, igbigbe ni deba ẹre, avbe ọkaẹgbẹe ọghe ẹgbẹe Izrẹl, keghi họn ẹmwẹ ne emwa ẹwae Riubẹn, Gad kevbe Manasẹ tae, ẹko keghi rhiẹnrhiẹn iran.

Jọsua 22:32

Ẹre Finihaz kevbe avbe ekhaẹmwẹ nii na sẹ emwa Riubẹn kevbe Gad rae ye otọ Giliad, iran na dọlegbe bu ivbi Izrẹl gha rrie Kenan, iran na ya na iyẹn ma iran.

Jọsua 3:10

Ẹrẹna, wa gha rẹn wẹ Osanobua ne ọ rrọọ rre adesẹneva uwa, vbe ne uwa ya nana sikẹ odaro, erriọ rẹn gha vbe ya gha khulo emwa Kenan, Hiti, Hivi, Pẹriz, Gagas, Amọri kevbe Jebus hin odaro uwa rre.