Jọsua 22:30 - Edo Bible (E Baibol Ẹdo) Version 1996

³⁰ E Finihaz ne ohẹn kevbe avbe ekhaẹmwẹ emwa nii, igbigbe ni deba ẹre, avbe ọkaẹgbẹe ọghe ẹgbẹe Izrẹl, keghi họn ẹmwẹ ne emwa ẹwae Riubẹn, Gad kevbe Manasẹ tae, ẹko keghi rhiẹnrhiẹn iran.

Jọsua 22:30 ပူးပေါင်းရင်းမြစ်များ

Gẹnẹsis 28:8

Eghẹ nii, Isọ na do rẹn wẹ Aizik ne erha ẹe i ho ẹmwẹ ikhuo Kenan.

II Krọnikol 30:4

Emwamwa iran na keghi yẹ ọba kevbe emwa ni rhunmwuda ọnii,

Ẹsta 1:21

Ẹmwẹ na keghi wa yẹ ọba kevbe ekhaẹmwẹ ọnrẹn, ọ keghi ru vbene Memukan zẹ iro ẹre.

Itan 15:1

Ewanniẹn nekhuẹrhẹ ọ re ọ dọ ohu yọ, sokpan, te ẹmwẹ ne ọ wegbe gua ẹe kpao.

Iwinna 11:18

Ugbẹn vbe iran ghi họn ẹmwẹ na, iran keghi dobọ ẹzọ na gui yi, iran keghi rho Osanobua vbe uyi wẹẹ, “Ọnii rhie maa ighẹ Osanobua vbe rhie otọ ne iran ne ẹ i re Ju ya fiwerriẹ ne iran ghẹ wulo.”

Jọsua 22:29

Ma i ghẹ mwẹ odẹ ne a ya sọtẹ ghe e Nọyaẹnmwa ra ne ima fi iyeke gbe ẹe nian. Vbe ekpa ne a gha na bọ aka ne a na giẹn emwi imuohan ra emwi imuohan ọka ra izọese. Ma i ra bọ aka ọvbehe gberra aka ọghe Nọyaẹnmwa Osanobua mwa ne ọ rre odaro Owa Ukpọn ne a dia ọghọe.”

Jọsua 22:31

E Finihaz ne ovbi Eliaza ne ohẹn keghi tama iran wẹẹ, “Banbanna nian, ma rẹnrẹn wẹ, e Nọyaẹnmwa gu ima rrọọ, rhunmwuda, wa ma sọtẹ ghe e Nọyaẹnmwa, wa kevbe fannọ ivbi Izrẹl hin obọ irrioya ọghe Nọyaẹnmwa rre.”

Jọsua 22:33

Iyẹn ne iran naẹn keghi yẹ ivbi Izrẹl. Iran keghi rho Osanobua vbe uyi, iran ma ghi dọlegbe guan kan ẹmwẹ ne a mu okuo gha rrie otọ emwa Riubẹn kevbe Gad ne a ya fuẹn ọnrẹn ruan.

Giọgis 8:3

Osanobua keghi viọ avbe ekhaẹmwẹ e Midian, Orẹb kevbe Zib ye uwa obọ. De emwi ne imẹ he ru ne a gha ya gie ọnii?” Rẹn ghi ta ẹmwẹ na, ohu ma ghi mu iran gbe ọvbehe.

I Samuẹl 29:6

Akis keghi tie Devid, ọ na tama rẹn wẹẹ, “I ye Osanobua Izrẹl ne ọ rrọ vẹn ihẹn wẹ u guobọ mwẹ kevbe wẹ ọ gha wa yẹ mwẹ ne u lele mwẹ gha rrie okuo na. I ma he miẹn a baku ru vbe obọ ruẹ ke ẹdẹ ne u bu mwẹ rre gha dee, sokpan, enigie nekpa ma kue ye ẹmwẹ ruẹn.