Jọsua 22:28 - Edo Bible (E Baibol Ẹdo) Version 1996

²⁸ Iziro mwa nọ wẹẹ, ọ gha ye rriọ ẹdẹ ne akhuẹ, ivbi ma ghi sẹtin kha wẹẹ, ‘Ghe! Avbe erhamwa odede bọ aka zẹ vbene ọghe e Nọyaẹnmwa ye ẹ i re ne a ya ẹe gha giẹn ese ra ne a na zọ ese, sokpan zẹ vbe ama ne otu ima eveva.’

Jọsua 22:28 ပူးပေါင်းရင်းမြစ်များ

Gẹnẹsis 31:48

E Leban keghi khama e Jekọb wẹẹ, “Okuta ne a si gbo ọ re ọ ghi gha ye imẹ vbe ruẹ ẹre rre.” Ọnii ọ siẹe ne a na tie ẹre Galid.

II Ọba 16:10

Ehaz ne ọba ghi yo ya miẹn Tiglat Pailesa aro vbe Damaskọs, ọ keghi miẹn Ogiukpo ọkpa vbe evba, ọ keghi wa rhie ama rẹn zẹẹ gie Uraia ne ohẹn, vbe ne ọ na gie egbe ẹre hia fẹẹrẹ ma rẹn.

Ẹksọdọs 25:40

U ghi gbe aro ke otọ ne u ru ẹe zẹ vbene a gie ma ruẹn vbe uhunmwu oke.

Aizaia 19:19

Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

Jọsua 22:27

Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’

Jọsua 22:29

Ma i ghẹ mwẹ odẹ ne a ya sọtẹ ghe e Nọyaẹnmwa ra ne ima fi iyeke gbe ẹe nian. Vbe ekpa ne a gha na bọ aka ne a na giẹn emwi imuohan ra emwi imuohan ọka ra izọese. Ma i ra bọ aka ọvbehe gberra aka ọghe Nọyaẹnmwa Osanobua mwa ne ọ rre odaro Owa Ukpọn ne a dia ọghọe.”

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”