Jọsua 22:27 - Edo Bible (E Baibol Ẹdo) Version 1996

²⁷ Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’

Jọsua 22:27 ပူးပေါင်းရင်းမြစ်များ

Gẹnẹsis 31:48

E Leban keghi khama e Jekọb wẹẹ, “Okuta ne a si gbo ọ re ọ ghi gha ye imẹ vbe ruẹ ẹre rre.” Ọnii ọ siẹe ne a na tie ẹre Galid.

Gẹnẹsis 31:52

Okuta na kevbe avbe okuta ne a si gbo, ne a ya zẹ ayere nọ. Mẹ i ra gberra okuta na do guẹ gbinna, wẹ i ra vbe gberra ẹre ighẹ okuta ayere na do gun mwẹ gbinna.

Psalm 16:5

Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Aizaia 19:19

Ọ gha sẹ ẹghẹ ne a kha na, a gha bọ Ogiukpo ne Nọyaẹnmwa vbe otọe Igipt, a ghi vbe ya orre okuta fi ohan ne ẹẹn vbe ehe ne uwu Igipt lae.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Jọsua 22:26

Rhunmwuda onii ọ re ima na bọ aka, ẹ i re ne ima ya gha giẹn ese ra ne a na yo imuohan!

Jọsua 22:28

Iziro mwa nọ wẹẹ, ọ gha ye rriọ ẹdẹ ne akhuẹ, ivbi ma ghi sẹtin kha wẹẹ, ‘Ghe! Avbe erhamwa odede bọ aka zẹ vbene ọghe e Nọyaẹnmwa ye ẹ i re ne a ya ẹe gha giẹn ese ra ne a na zọ ese, sokpan zẹ vbe ama ne otu ima eveva.’

Jọsua 22:34

Emwa Riubẹn kevbe Gad kegha tie aka ni “Osẹe,” iran wẹ rhunmwuda, “Osẹe ọ re nọ ne ima hia wẹ Nọyaẹnmwa ọrọre Osanobua.”

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”

I Samuẹl 7:12

Ẹre Samuẹl na mu okuta ọkpa, ọ keghi mu ẹẹn ye ẹkpo Mizpa kevbe Siẹn, ọ wẹẹ, “Te Nọyaẹnmwa wa yi ima obọ ke ẹghẹ ni gha dee.” Ọ na rhunmwuda onii gha tie ẹre “Okuta Iyobọ.”