Jọsua 22:25 - Edo Bible (E Baibol Ẹdo) Version 1996

²⁵ E Nọyaẹnmwa ye Jọdan ye uwu ye ẹkpo ima kevbe uwa.’ Ẹghẹ nii, ivbi uwa ghi da ivbi ima obọ yi wẹ ne iran ghẹ ghi ga e Nọyaẹnmwa.

Jọsua 22:25 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

I Ọba 12:16

Emwa ni ghi rẹn nẹ wẹ ọba i ra zẹ ye iran re. Iran keghi datu wẹẹ, “De ne ọ kan mwa vbe ẹmwẹ Devid yi! Ugbẹn ne ọ mu ovbi e Jese, ma mu mwa. Ivbi Izrẹl, edọmwadẹ ọghọe gha rrie owa ẹre. Ghe owa e Devid ne erha ne u tọn mu.” Ẹre emwa Izrẹl na sọtẹ,

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

I Ọba 15:30

Ọna sunu rhunmwuda, e Jeroboam keghi ya ohu mu e Nọyaẹnmwa ne Osanobua Izrẹl vbekpa orukhọ ne irẹn ru, ọ na vbe silo ivbi Izrẹl obọ fi orukhọ ne iran vbe ru.

Nehimaia 2:20

Mẹ keghi wanniẹn wẹẹ, “Osanobua Ẹrinmwi gha rhie arudinodẹ ne ima, eguọmwadia ẹre ma khin, te ima ra suẹn gha bọ ẹe na. Sokpan ukpe emwiewe ọkpa ma khẹ ke uwa vbe Jerusalẹm, avbe emwi arre ne a ru vbọ ma vbe kan uwa.”

Psalm 16:5

Wẹ ọkpa ọre I mwẹ Nọyaẹnmwa, wẹ vbe viọ emwi ne I i mwẹ hia mẹ. Ẹdẹ nakhuẹ mwẹ, obọ ruẹ ọre ọ ye.

Iwinna 8:21

Iwinna mwa ma kan ruẹn, u i vbe mwẹ oghae vbọ, rhunmwuda ekhọe ruẹ ma mudia ẹse vbẹ odaro Osanobua.

Jọsua 22:24

Emwi ne ọ ya ima ru ẹẹ ọrọre wẹ, ọ gha sẹ ẹdẹ ne ọ dee, ivbi uwa gha ya gbe ima okan wẹẹ, ‘De emwi ne uwa ya zẹyọ ẹmwẹ e Nọyaẹnmwa ne Osanobua Izrẹl yi?

Jọsua 22:26

Rhunmwuda onii ọ re ima na bọ aka, ẹ i re ne ima ya gha giẹn ese ra ne a na yo imuohan!

Jọsua 22:27

Sokpan ne ọ gha re ama ne otu ima eveva ke orre ne ọ gha rre vbe iyeke mwa wẹ te ima ga e Nọyaẹnmwa vbe ekpa ne a na giẹn ese mwa, kevbe ese ne a zọọ, kevbe isara. Te ima wẹ ne a ye ọna ru ẹe ne ivbi uwa ghẹ ya tama ima ẹdẹ ne ọ dee wẹẹ, ‘Ẹmwẹ e Nọyaẹnmwa ma kan uwa.’

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.