Jọsua 22:20 - Edo Bible (E Baibol Ẹdo) Version 1996

²⁰ Yerre wẹ Ekani ne ovbi e Zẹra he ne ọ rhie uhi ne a yi ye ẹmwẹ emwi ne a wẹ ne a fuan, a na rri ivbi Izrẹl hia oya yọ. Ẹ i re Ekani ọkpa ọ re ọ wu ba ẹmwẹ orukhọ ẹre.”

Jọsua 22:20 ပူးပေါင်းရင်းမြစ်များ

II Krọnikol 24:18

Rhunmwuda ọnii, emwa ni keghi dobọ ugamwẹ ne a ru vbe Ọgua Osa e Nọyaẹnmwa ne Osanobua avbe erha iran odede yi, iran keghi suẹn gha ga ẹbọ kevbe amazẹ Asiẹrra ne ẹbọ ne okhuo. Orukhọ ne iran ru keghi tie ohu e Nọyaẹnmwa ye Juda kevbe Jerusalẹm uhunmwu.

Job 35:8

Ọmwa nagbọn ne ihua ọ re ọ rri oya orukhọ ne u ru, rẹn ọ re emwi esi ne u ru vbe ru iyobọ na.

Levitikọs 10:6

Ọre Mosis na tama Errọn kevbe avbe ivbi ẹre ighẹ Eliaza kevbe Itama wẹẹ, “Wa ghẹ sẹ eto uwa rae vbe ne a ma na salọ ẹe ra ne uwa yanghan ẹwu uwa ya rhie maa ighẹ te uwa rre akhiẹ. Wa gha ru vberriọ, wa gha wulo, e Nọyaẹnmwa gha vbe mu ohu emwa na hia sokpan, avbe etuẹn, kevbe avbe emwa Izrẹl hia, a fan obọ ẹre ne iran ne iran khiẹ uwu na ne ọ la ekpa erhẹn ne ọ ke obọ Nọyaẹnmwa rre.

I Kọrinti 10:6

Igie emwi ọre a ye avbe emwi na hia rhie ne ima, na a ya yan ma ima ne ima ghẹ gha gualọ emwi dan zẹ vbene iran ru.

Jọsua 22:21

Emwa ẹwae Riubẹn, Gad kevbe odẹ ahọ vbe ẹwae Manasẹ kevbe wanniẹn avbe ọkaẹgbẹe ọghe ẹgbẹe Izrẹl wẹẹ,

Jọsua 7:1

Izrẹl keghi rra uhi e Nọyaẹnmwa ne ọ khare wẹ ne a ghẹ rhie emwi rhọkpa ne a wẹ ne a fuẹn uan vbe Jẹriko. Ekani ọrọre ọmwa ne ọ viọ emwi eso. Rẹn kegha re ovbi Kami ne ovbi Zabdi ne ovbi Zẹra vbe ẹwae ọghe Juda. Ohu ivbi Izrẹl keghi kakabọ mu e Nọyaẹnmwa.

Jọsua 7:18

E Zabdi kevbe viọ ẹgbẹe ọre ladian ọkpọkpa, ọ keghi mu Ekani ovbi Kami kevbe eyẹ Zabdi, ne ovbi Zẹra ne ẹwae Juda.

Jọsua 7:24

E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Jọsua 7:5

Obọ avbe eghian keghi vba arhin ehan yan ọgban vbe uwu iran. Iran keghi khulo ivbi Izrẹl ke onurho ẹvbo nii kpao do sẹ ehe ne a na guọghọ okuta ya bọ owa, iran na gha gbele iran lele odẹ dee vbe ne a ya tuorre vbe oke nii. Ohan keghi suẹn gha mu ivbi Izrẹl ẹtin na fo iran.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.