Jọsua 22:15 - Edo Bible (E Baibol Ẹdo) Version 1996

¹⁵ Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.

Jọsua 22:15 ပူးပေါင်းရင်းမြစ်များ

I Krọnikol 21:3

E Joab keghi khuẹnniẹn wẹẹ, “Osanobua ne ọ gie ivbi Izrẹl bun sẹ vbene iran ye na ukhukhu iyisẹn, eguọmwadia ruẹ iran hia khin, Umogun! Vbọzẹ ne u gha na ru emwi na ne u ya emwa hia khian emwa ni ru orukhọ!”

II Krọnikol 10:19

Ke ẹghẹ ni gha dee, emwa ni rre odẹ okuọ otọe arriọba Izrẹl, te iran sọtẹ uniẹn ivbiọba ọghe Devid.

II Krọnikol 25:27

Ke ẹghẹ ne ọ ya fidọn ghe e Nọyaẹnmwa kpao, ọre emwa kegha khuan khẹ ọre vbe Jerusalẹm. Vbe okiekie ọ keghi lẹ gha rrie Lakis, sokpan, avbe eghian keghi lele ẹe se evba iran na gbe ẹe rua.

II Krọnikol 26:18

Ne iran ya da ẹre obọ ẹre yi. Iran tama rẹn wẹẹ, “Uzaia, u i mwẹ asẹ ne u ya giẹn eturari ghe Nọyaẹnmwa. Avbe ohẹn ni re uniẹn Errọn, emwa ne avbe ma re ohẹn yọ, ọ re ọ ru ẹe. Kpa vbe ehe ne ọ huanrẹn na rre, u sẹmwẹ e Nọyaẹnmwa Osanobua, ẹ i ghi fiangbuẹ ọvbehe.”

II Krọnikol 28:13

Iran keghi kha wẹẹ, “Wa ghẹ viọ avbe oghunmwu ni rri edinran. Ma rukhọ ghe Nọyaẹnmwa nẹ, ma keghi ya ohu mu ẹẹn sẹ vbene ọ gha na rri ima oya. Banbanna nian wa ra vbe ru emwi ne ọ gha ya orukhọ ima kpọlọ sẹ ayọ.”

Ẹzra 9:15

E Nọyaẹnmwa Osanobua Izrẹl, ọmwa ẹmwata ọ re uwẹ khin, u kevbe gie ima miẹn uhunmwu. Ma miẹn orukhọ mwa kue ma ruẹn, ma ma ghi vbe kei ne ọ gha rrie ehe ne uwẹ ye.”

Ẹzra 9:2

Ikpia vbe uwu avbe iran kegha viọ ikhuo ni i re Ju rọnmwẹ rhunmwuda ọnii, emwa ni huanrẹn ọghe Osanobua keghi do gha re ne a ya iruẹn yi. Iran ne ọghọe wa rhia sẹ vbọ kegha re avbe ọkaolotu kevbe iran ni rre asẹ.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Aizaia 63:10

sokpan, iran keghi sẹmwẹ ọnrẹn, iran keghi gha rhia ẹre ẹko rua. Rhunmwuda ọnii, e Nọyaẹnmwa keghi khian oghian iran, Ọ keghi gu iran gbinna.

Levitikọs 26:40

“Sokpan avbe ivbi uwa gha miẹn orukhọ iran kue, ọghe avbe erha iran odede kue, emwa ni muan mwẹ ẹmwẹ, iran na vbe sọtẹ ghe mwẹ.

Levitikọs 5:19

Emwi izọhẹ ne ọ ya ha osa orukhọ ne ọ ru ghe Nọyaẹnmwa nọ.”

Nọmbas 14:43

Wa gha mu aro da avbe emwa Amalẹk kevbe Kenan, wa gha wulo ye okuo, e Nọyaẹnmwa i rrọ yaba uwa, rhunmwuda, wa he ne uwa lelẹe.”

Nọmbas 32:15

A deghẹ wa ne emwa Riubẹn kevbe Gad ma vbe lele ẹe nian, ọ ghi vbe dọlegbe fi iyeke gbe emwa na hia vbe adesẹ ẹgbo, urhu uwa ọre ọ fuan ọghe iran ra gha ye.”

Nọmbas 5:6

igiodẹ na ma e Mosis ne ọ viọ ne ivbi Izrẹl. Deghẹ ọmwaikọmwa ma ru emwi ne ọ yẹ Nọyaẹnmwa vbe ekpa ne ọ na ru emwi abakuru ghe ọmwa ọvbehe.

Matiu 18:17

Sokpan deghẹ ọ ma vbe zẹ ye iran ẹre, ya gui ẹzọ ruẹ hia ma esọsi. Deghẹ ọ ma vbe zẹ ye esọsi re, u ghi wa kae ba ọrriọvbe ra iran ni koko igho uhunmwu.

I Kọrinti 1:10

I ya ẹtin Nọyaẹnmwa Jesu Kristi rinmwian uwa etẹn, ne uwa gie ẹmwẹ uwa hia ha gu egbe ro vbe ẹmwẹ ne uwa ta, ne iwannegbe ghẹ gha rre ẹkpo uwa, wa gha re ọkpa vbe iro ne uwa zẹ, kevbe emwi ne uwa họ ne uwa ru.

I Kọrinti 5:4

Wa gha do iko, mẹ gha vbe gha rre evba vbe ekpa ọghe orhiọn, vbekpa ẹtin Nọyaẹnmwa Jesu ne ọ gu ima rre evba.

Diuteronomi 30:17

Sokpan, adeghẹ wa fieghe uhunmwu ye uhi ẹre, ighẹ wa ma danmwẹ ehọ, emwa na silo uwa ya gha gho ẹbọ ọvbehe.

Diuteronomi 7:4

Rhunmwuda, iran gha ya ivbi uwa de odẹ hin ehe ne Nọyaẹnmwa ye rre, iran gha ya iran gha gho ẹbọ ọvbehe, ẹghẹ nii, e Nọyaẹnmwa ghi mu ohu uwa, ọ ghi fuẹn uwa a ọwarọkpa nii.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Jọsua 22:12

Ugbẹn vbe ivbi Izrẹl hia ghi họn ọna, iran hia keghi si egbe koko vbe Siailo ne iran ya gu iran gbinna.

Jọsua 22:14

Ekhaẹmwẹ igbe ọ re ọ lele Finihaz gha khian, orhiọnkpọkpa ke ẹwae igbe ni rre Izrẹl rre. Dọmwadẹ ọghọe vbe uwu iran kegha re okaẹgbẹe ọghe ẹgbẹe vbe ẹwae nii.

Jọsua 22:16

Ẹmwẹ ne emwa e Nọyaẹnmwa hia khare ọ re ọna khin, “Vbọzẹ ne uwa na ru emwi dan na ghe Osanobua Izrẹl yi? Te uwa ra sọtẹ ghe e Nọyaẹnmwa vbe ne uwa na bọ aka na ne egbe uwa! Wa i ghi lele irẹn ọvbehe!

Jọsua 22:18

Te uwa ghi ra fi iyeke gbe e Nọyaẹnmwa ra? Wa gha sọtẹ ghe Nọyaẹnmwa ẹrẹna, ohu ivbi Izrẹl hia gha mu ẹẹn ẹdẹnakhuẹ.

I Samuẹl 15:23

Ne a sọtẹ ọre vbe rhia vba azẹn, kevbe ne gha tọn egbe mu, te ọ vbe ye vbe orukhọ ẹbọ ne a gho. Rhunmwuda ighẹ wẹ ma rhie ẹmwẹ e nọyaẹnmwa, rẹn vbe rhie ruẹ hin ọba rre.”