Jọsua 22:11 - Edo Bible (E Baibol Ẹdo) Version 1996

¹¹ Ivbi Izrẹl nekpa keghi họn, a keghi tama iran wẹẹ, “Wa danmwẹ ehọ, emwa ni rre ẹwae Riubẹn, e Gad kevbe odẹ ahọ vbe ẹwae Manasẹ bọ aka ye Gelilot vbe ọkpẹn uwu vbe obọ ne ọ re ọghe ima vbe Jọdan.”

Jọsua 22:11 ပူးပေါင်းရင်းမြစ်များ

Iyẹn ne ọ Maan Ọghe Jọn 1:28

Avbe emwi na hia ọre ọ sunu vbe Bẹtani vbe odẹ ahọ ẹzẹ Jọdan, ehe ne Jọn na gha same ne emwa.

Iyẹn ne ọ Maan Ọghe Jọn 20:1

Vbe owiẹ vbirrivbirri vbe Ẹdẹ Uzọla, vbe ẹdẹ ma he wan, Meri Magdalen kegha rrie idin, ọ ghi do ghe iran werriẹ okuta hin unu idin rre nẹ.

Iyẹn ne ọ Maan Ọghe Jọn 20:12

Rẹn keghi dẹghe avbe odibosa eva vbe evba, iran yọ ukpọn nọfua, iran tota ye ehe ne ikun Jesu te ye, ọkpa vbe odẹ uhunmwu kevbe nọkpa vbe odẹ owẹ.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Jọsua 2:7

Ugbẹn vbe avbe ukọ ọba ghi kpao nẹ, vbe ẹvbo nii, a keghi khui urho. Iran kegha gualọ avbe ọrhẹ ne ivbi Izrẹl nii ya sẹ ehe ne odẹ na fian ẹzẹ Jọdan rra.

Jọsua 22:10

Ivbi ẹwae Riubẹn, Gad kevbe odẹ ahọ, vbe ivbi e Manasẹ ghi sẹ Gelilot vbe obọ nii ne ọ mu da orrie vbe Jọdan, iran keghi bọ aka ne mose mose nọkhua ọkpa ye evba vbe ọkpẹn ẹzẹ nii.

Jọsua 22:16

Ẹmwẹ ne emwa e Nọyaẹnmwa hia khare ọ re ọna khin, “Vbọzẹ ne uwa na ru emwi dan na ghe Osanobua Izrẹl yi? Te uwa ra sọtẹ ghe e Nọyaẹnmwa vbe ne uwa na bọ aka na ne egbe uwa! Wa i ghi lele irẹn ọvbehe!

Jọsua 22:19

Rhunmwuda onii nian, a deghẹ otọe uwa ma kei ne a na ga ẹe, wa gberra gha die otọ e Nọyaẹnmwa, ehe ne owa ukpọn ne a dia ọghọe ye. Wa do mu otọ eso vbe ehe ne ima ye. Sokpan, wa ghẹ sọtẹ e Nọyaẹnmwa, ra ima, vbene uwa gha na bọ aka ọghe obọ uwa do deba aka ọghe Nọyaẹnmwa Osanobua mwa.

Giọgis 12:5

Ivbi e Giliad keghi khọn mu ehe ne a gha na sẹtin fian Jọdan rra, ne ivbi Ifreim ghẹ miẹn ehe na fian ẹn rra. Ovbi Ifreim ghẹ ghi sẹ evba, ọ na gha ho ne irẹn lẹ fua, ọ na wẹ ne iran gie irẹn gberra, iran ghi nọ rẹn wẹẹ, “Ovbi Ifreim we khin ra.” Ọ gha kha wẹ “Ẹn ẹn,”