Jọsua 21:44 - Edo Bible (E Baibol Ẹdo) Version 1996

⁴⁴ E Nọyaẹnmwa keghi rhie ọfumwegbe ne iran vbe igie enenẹ zẹ vbe ne ọ yan ma avbe erha iran odede. A ma miẹn ọkpa vbe uwu avbe eghian iran hia ne ọ sẹtin da iran obọ yi, rhunmwuda, e Nọyaẹnmwa keghi gie ivbi Izrẹl khọnmiotọ vbe uhunmwu avbe eghian iran hia.

Jọsua 21:44 ပူးပေါင်းရင်းမြစ်များ

II Krọnikol 13:16

Ivbi Izrẹl keghi lẹ kua vbe odaro ivbi e Juda, Osanobua keghi gie obọ ivbi e Juda ke ukhunmwu ne iran.

Ẹksọdọs 23:31

I gha mwa otọ uwa ne ọ ke okun Akaba ya sẹ Okun Meditẹrrenian kevbe ke ato ya sẹ Ẹzẹ Yufretes. I gha rhie uwa obọ yan emwa ẹvbo nii uhunmwu, wa ghi vbe khulo iran hin odaro uwa rre vbe uwa a gha nana sikẹ odaro.

Ẹksọdọs 33:14

E Nọyaẹnmwa keghi kha wẹẹ, “I gha lele uẹ gha khian, I gha vbe rhie akhọnmiotọ nuẹn.”

Aizaia 63:14

Zẹ vbene a viọ ẹmila gha rrie iya ne emwi na maa, erriọ ọ re Nọyaẹnmwa rhie ikẹtin ne emwa rẹn. Ọ su emwa rẹn ọ keghi rhie uyi gie egbe ẹre.

Diuteronomi 2:36

E Nọyaẹnmwa ne Osanobua mwa keghi gie ima khọn avbe ẹvbo hia ni rre ke Aroa vbe ọkpẹn Ẹzẹ Anọn kpao rhinrin ya sẹ Giliad mu otọ ke ẹe kevbe avbe ẹvbo ni wa rre ọkpẹn nene ẹzẹ tobọ ẹre. A ma miẹn ẹvbo ne ekẹn ọnrẹn yo gbe ne ima.

Diuteronomi 21:10

“E Nọyaẹnmwa Osanobua uwa gha gie uwa khọnmiotọ vbe okuo, wa na munọ avbe oleghan.

Hibru 4:9

Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

Jọsua 1:13

“Wa ye ẹmwẹ ne Mosis ne ọguọmwadia e Nọyaẹnmwa tama uwa rre wẹẹ, ‘Nọyaẹnmwa Osanobua gha mu otọe na ne uwa ne ọ gha re ọghe uwa vbe asefẹn ahọ Jọdan.’

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 11:12

E Jọsua keghi khọn avbe ọba ni hia muotọ deba ẹvbo iran hia. Ọ keghi gbele iran hia a, zẹ vbene Mosis ne ọguọmwadia e Nọyaẹnmwa khare.

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Jọsua 2:24

Iran tama rẹn wẹẹ, “Aro ima dae wẹ e Nọyaẹnmwa mu ẹvbo nii hia ne ima nẹ. Afianma ima wa fian iran hia ni rre ẹvbo nii.”

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Jọsua 22:9

Ọ re emwa ni rre ẹwae e Riubẹn, Gad, kevbe odẹ ahọ vbe ẹwae Manasẹ na werriegbe gha rrie owa, iran keghi sẹ ivbi Izrẹl ni dekẹe rae vbe Siailo vbe otọe Kenan, iran na gha rrie otọe Giliad ne ọ re otọe iran, ne iran ya ehia khian ọghe iran zẹ vbene Nọyaẹnmwa la unu e Mosis tama iran.

Jọsua 23:1

Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.