Jọsua 21:43 - Edo Bible (E Baibol Ẹdo) Version 1996

⁴³ Erriọ ọre Nọyaẹnmwa na mu ne ivbi Izrẹl otọe ni ne irẹn wa yan ma avbe erha iran odede wẹ rẹn gha mu ne iran. Iran mu otọe nii, iran na yin evba.

Jọsua 21:43 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 28:4

Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!”

II Krọnikol 20:8

Iran yin emwa na nẹ, iran kevbe bọ Ọgua Osa ya ya ọghọ ne uẹn, vbene iran na rẹn,

Nehimaia 9:24

Iran khọn otọ e Kenan. Obọ ruẹ gba emwa ni rre evba u rhie ẹtin ne emwa ruẹn. Ne iran gha ru vbene ọ khọn iran, vbe egbe emwa kevbe avbe ọba ọghe Kenan.

Nehimaia 9:8

U miẹn wẹ ọ zẹ obọ lele uẹ u yanrẹn ne u mu otọ emwa Kenan ne ẹẹn. Otọ emwa Hiti kevbe Amọri otọ emwa Pẹriz, Jebus, Gẹgas, ne ọ gha re Otọe ne ivbi uniẹn ọnrẹn gha yin. U ru ẹe vbene u tae rhunmwuda, ekhọe ruẹ maa.

Psalm 105:8

Ọ gha rhie ile ẹre mwẹ ẹdẹdẹmwẹdẹ, kevbe eyan rẹn ne orre arriaisẹn.

Psalm 44:3

Ẹ i re umozo iran, ọ re avbe emwa ruẹn ya khọn avbe otọe nii. Ẹ i re ẹtin iran ọ re iran ya khọnmiotọ, ẹtin kevbe iwegbe ruẹ ọre nọ, vbene u na gie iran rẹn ighe u gu iran rrọọ, ne ọ vbe rhie ma ighe u ho ẹmwẹ iran.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Ẹksọdọs 3:8

“Te I rre na ne I do miẹn iran fan vbe obọ ivbi Igipt, ne I vbe viọ iran kpao vbe Igipt nii gha rrie otọ ne ọ maa emwiokọ kevbe ne ọ vbẹ aro. Otọ esiesi ne ọ maa emwiokọ nọ, emwa ni rre evba ẹghẹ na ọrọre emwa Kenan, Hiti, Amọri, Pẹriz, Hivi kevbe Jebus.

Jerimaia 32:23

Sokpan, ugbẹn vbe iran ghi sẹ otọe na, vbe iran ghi yan ẹnrẹn nẹ, iran ma ya uhi ruẹ ru emwi ra ne iran gha yin zẹ vbene u ma iran ẹre. Iran ma ru avbe emwi ne u wẹ ne iran ru rhọkpa. Ọre u na gie ọkhọ na hia rruan iran.

Nọmbas 33:53

Wa mu otọe nii ne uwa yin ẹnrẹn rhunmwuda te I ya ẹe ne uwa.

Nọmbas 34:2

Ne ọ ma avbe ivbi Izrẹl re: “Wa gha la otọ Kenan, otọe ne I mu ne uwa, eke ne ọ gha re uwu otọe uwa ọre ena khin.

Diuteronomi 11:31

Te uwa ghi ra fian Ẹzẹ Jọdan rra na ne uwa yin otọe nii ne Nọyaẹnmwa Osanobua ra mu ne uwa. Wa ghẹ ghi mu ẹẹn nẹ ighẹ te uwa ghi gbẹkun sẹ otọ nẹ vbe evba.

Diuteronomi 12:29

“E Nọyaẹnmwa ne Osanobua rua gha fuẹn avbe ẹvbo nii hia zẹ vbene uwa ya gu iran gbinna vbe otọ iran, wa ghi mu ẹẹn, wa ghi yin ẹnrẹn.

Diuteronomi 17:14

“Wa ghẹ ghi yan otọe ne Nọyaẹnmwa Osanobua ra mu ne uwa nẹ ighẹ uwa ghi gbe ẹkun sẹ otọ nẹ, ẹghẹ nii, wa gha kha wẹ wa ho ne uwa gha mwẹ ọba zẹ vbe avbe ẹvbo ni lẹga uwa.

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”

Jọsua 1:6

U ghi wegbe ne u vbe din, rhunmwuda wẹ ọ re ọ ra mu ọkaolotu viọ emwa na gha rrie otọe nii ne I ve avbe erha iran odede ẹre wẹ I gha mu ne iran.

Giọgis 11:24

Te uwẹ ghi ho ne u mu ẹẹn werriegbe na? Wẹ sẹtin gba emwi ne Kemọs ne ẹbọ rua rhie nuẹn mwẹ obọ. Sokpan emwi hia ne Nọyaẹnmwa Osanobua mwẹ viọ ne ima nẹ, te ima ra gba mwẹ obọ.

I Samuẹl 12:8

E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie e Nọyaẹnmwa ne ọ do yi iran obọ, rẹn keghi gie Mosis kevbe Errọn ni viọ iran ladian vbe Igipt, iran na gbe iran ẹkun sẹ otọ vbe otọe na.