Jọsua 21:4 - Edo Bible (E Baibol Ẹdo) Version 1996

⁴ Avbe ẹgbẹe Kohat ọ re a ka gha munọ ẹvbo na. Ẹgbẹe ne ọ ke uniẹn Errọn ne ohẹn zọ ladian. A keghi munọ ẹvbo iweha ne iran vbe ne ọ sẹ Juda, Simiọn kevbe Bẹnjamin obọ.

Jọsua 21:4 ပူးပေါင်းရင်းမြစ်များ

I Krọnikol 6:39

Asaf ọ gha re ọkaolotu otu ihuan ne ogieva. Uviẹn ọnrẹn keghi la vbenian ya sẹ egbe Livai, Asaf, e Berakia, e Siimea,

Ẹksọdọs 6:16

Ena ọrọre eni ivbi Livai kevbe emọ ne iran biẹlẹe: Gẹsiọn, Kohat kevbe Merari; iran ọrọre erha odede iran ne a tie ginna iran. Ukpo eha irrọvbe ikiọkhọe (137) ọre Livai ya vbe agbọn.

Ẹksọdọs 6:20

Amram keghi rhie Jokebẹd ne ovbiye erhae rọnmwẹ. Rẹn ọre ọ biẹlẹ Mosis kevbe Errọn nẹẹn. Ukpo eha irrọvbe ikiọkhọe (137) ọre Amram yae vbe agbọn.

Nọmbas 3:27

Uniẹn enẹ ọ re ọ rre ẹwae Kohan, avbe Amram, Izia, e Hibrọn kevbe Uziẹl.

Jọsua 21:3

Ivbi Izrẹl keghi viọ avbe ẹvbo na ke oha erria ne ivbi e Livai vbe otọe ọghe iran zẹ vbene e Nọyaẹnmwa khare.

Jọsua 21:5

A keghi munọ ẹvbo igbe ne iran ni dekẹe vbe ẹgbẹe Kohat vbe otọe ni sẹ avbe ẹgbẹe ẹwae Ifreim kevbe Dan kevbe odẹ orrie vbe ẹwae Manasẹ obọ.

Jọsua 24:33

Eliaza ne ovbi Errọn keghi wu, a na re ẹre ye Gibea ne ẹvbo e Finihaz ne ovbi ẹre, ne a mu ne ẹẹn vbe ẹvbo oke ọghe Ifreim.