Jọsua 21:17 - Edo Bible (E Baibol Ẹdo) Version 1996

¹⁷ Ẹvbo ne a vbe viọ vbe ẹwae Bẹnjamin kegha re Gibiọn, Gaba.

Jọsua 21:17 ပူးပေါင်းရင်းမြစ်များ

I Ọba 15:22

Ẹre Asa ne ọba na gie ne a tama emwa ni rre Juda hia vbene a i na vbe sẹ ọkpa rae vbọ ne iran ya la okuta ni rre Rama ke ẹe kevbe igẹdu ne Baasia te ya gha gbe ekẹn lẹga ẹre. Asa keghi ya avbe emwi na gbe ekẹn lẹga Mizpa kevbe Geba, ẹvbo ọkpa vbe otọ e Bẹnjamin.

II Ọba 23:8

Ọ keghi viọ avbe ohẹn ni te rre avbe okpẹvbo e Juda hia, kevbe otọe ẹvbo nii hia gha die Jerusalẹm, ọ rhia ehe ne iran na te zọ ese rua. Ọ kevbe guọghọ ẹe rua ighẹ Ogiukpo ne iran te ya ru ọghe orhiọn dan avbe ẹwe, ne ọ rre ọkpẹn onurho ne Jọsua ne nọ khaemwisẹ ẹvbo nii bọ ẹe, ọ na keghi te rre obọ iye ọmwa onurho ẹvbo nii vbe a gha wa la ore ẹvbo.

I Krọnikol 6:60

Vbe otọe Bẹnjamin, avbe ẹvbo ne a viọ ne iran deba otọe ne aranmwẹ irri na rria ni rrọọ ọ re ena khin: e Geba, Alemẹt kevbe Anatọt, ehia keghi gba vbe okpẹvbo iwera ne avbe ẹgbẹe iran gha dia.

I Krọnikol 8:6

Ivbi uniẹn Ehud kegha re Naaman, Ahija kevbe Gera, iran kegha re ọkaẹgbẹe avbe ẹgbẹe ni rre Geba, sokpan, iran ghi khulo iran ladian, iran na ya yin e Manahat. E Gera ne erha Uza kevbe Ahihud ọ re ọ viọ iran mwẹ obọ ya ru emwi na.

Nehimaia 12:29

kevbe Betgigal, e Geba kevbe Azmavẹt.

Aizaia 10:29

Iran fian uwu rra nẹ, iran ra hẹwẹ la asọn ni vbe Geba! Ohan mu emwa ni rre Rama, emwa ni rre Gibea ne ẹvbo e Sọl lẹ kua.

Zẹkaraia 14:10

A gha hẹnhẹn otọe nii hia fẹẹrẹ ke Geba vbe odẹ okuọ ya sẹ Rimọn vbe odẹ ekẹn, e Jerusalẹm ghi gha ghe avbe otọ ni lẹga ẹre adesẹ uhunmwu; ẹvbo ni gha tan vbe otọ ke urho e Bẹnjamin ya sẹ Onurho igọgọ, ehe ne onurho ka gha ye yi, kevbe ke Owa ọkhẹ e Hananẹl ya sẹ okọ ne a na minọ ayọn ọghe ọba.

Jọsua 21:18

Anatọt kevbe Almọn deba otọe erria ni rrọ.

Jọsua 9:3

Ivbi e Gibiọn ghi họn vbene Jọsua ru emwa Jẹriko kevbe Eai hẹẹ,