Jọsua 20:8 - Edo Bible (E Baibol Ẹdo) Version 1996

⁸ Vbe odẹ abọ ọghe Jọdan, vbe oke ọghe Jẹriko vbe uwu ato, iran ke Bezọ ne ọ rre ẹwae Riubẹn; Ramọt vbe Giliad vbe ẹwae Gad; kevbe Golan vbe Basian ne ọ re ọghe ẹwae Manasẹ.

Jọsua 20:8 ပူးပေါင်းရင်းမြစ်များ

I Ọba 22:6

Ẹre Ehab na tie avbe akhasẹ ọre ne ọ re omwa uri eva, ọ keghi nọ iran wẹẹ, “Ne I ya gu Ramọt gbinna ra ne I ghẹ yo?” Iran wanniẹn wẹẹ, “Ya khọn rẹn ighẹ e Nọyaẹnmwa gha rhie akhọnmiotọ nuẹn.”

II Ọba 8:28

Ahazaia ne ọba keghi deba Joram ne ọba Izrẹl ya gu e Hazaẹl ne ọba e Siria khọn. E Ramọt ọ re avbe ivbi iyokuo na vba egbe vbe Giliad, emwi keghi vba e Joram vbe okuo.

I Krọnikol 6:78

Vbe otọe e Riubẹn, vbe odẹ ahọ Ẹzẹ Jọdan vbe a gha gberra, e Jẹriko e Bẹzẹ ne ọ rre uhunmwu oke, e Jaza,

I Krọnikol 6:80

Vbe otọe e Gad, e Ramọt ne ọ rre Giliad, Mahanem,

Diuteronomi 3:10

Ma keghi wa mu otọ Ọg ne ọba Basian, ẹvbo ni rre otọ nọ rriẹe, iwewe Giliad kevbe Basian hia, ya sẹ ehe ne ọ rrei gban an vbe odẹ ahọ ya sẹ Saleka kevbe Ẹdrẹi.”

Diuteronomi 4:43

A keghi zẹ ẹvbo ne a tie ẹre Bẹzẹ ne ọ wa rre uwu oha vbe ẹvbo uhunmwu oke ne ẹwae Riubẹn, a kevbe zẹ Ramọt ne ọ rre otọ Giliad ne ẹwae Gad, kevbe Golan vbe otọ Basian ne ẹwae Manasẹ.

Jọsua 20:7

Rhunmwuda ọnii, vbe odẹ orrie ọghe Jọdan iran na zẹ Kedẹs; vbe Galili ne ẹvbo oke e Naftali; e Siẹkẹm vbe Ifreim ne ẹvbo oke, kevbe Hibrọn vbe Juda ne ẹvbo oke.

Jọsua 20:9

Avbe enena ọrọre ẹvbo ne a lẹ gbinna ne a zẹ ne ivbi Izrẹl hia kevbe avbe orhunmwuyẹn ni rre ehe ne iran ye. Ọmwaikọmwa ne ọ gbe ọmwa ran vbe ne ẹ i na re ẹmwẹ ọnrẹn, sẹtin ya lẹ fi evba, ọmwa ne ọ ho ne ọ rria ikhi i ghi gbẹe rua. A ghi sirra emwa hia gui ẹzọ ẹre vbe evba.

Jọsua 21:27

Ẹgbẹe Livai ọvbehe ne a tie ẹre Gẹsiọn, okpẹvbo eva vbe odẹ orrie vbe ẹwae Manasẹ kevbe sẹ iran obọ, ena kegha re Golan ne ọ rre Basian (ẹvbo ne ọmwa ne ọ gbe ọmwa ran lẹ fi) Bistera deba otọe erria iran.

Jọsua 21:36

Ne ọ sẹ iran obọ vbe ọghe ẹwae Riubẹn kegha re Bezọ, Jahaz.

Jọsua 21:38

Ne ọ sẹ iran obọ vbe ọghe ẹwae Gad kegha re Ramọt ne ọ rre Giliad deba otọe erria ne ọ rrọọ (ẹvbo ne ọmwa ne ọ gbe ọmwa ran lẹ fi) Mahanem,